2 April

مبلش ريقنا غير لبن مسكوب دموعنا عكرته

أنا الطفل كان في عينه بريق بس الحياة طفته

ربع قرن إتخطف مني والمقابل غنا

بتوه في علامة إستفهام، لماذا نحن هنا؟

وحد الله ولا بعمل شيخ ولا بمسك سبحة

شيطاني ينام شبعان ويجوع أول ما نصحى

بجيبها كل ما أسيبها والبر يكون قدامي

بحاول أعوم في خط بس موج الرغبة عالي

مش متكسر أنا متفتت يعني مفيش قطع تتلزق

قولت لك القوفة بتاعتي اللي يشيلها معايا بيتمزق

كذبوا علينا واحنا عيال أنا لسه فاكر أول مرة

حلفت كذب وإستنيت وما تسخطتش للنهار ده

بشكر اللي إداني ظهره أما الدرامة إبتدت

واللي كان ع الباب ورجع لما الحفلة إتملت

جايز أنسى مين طبول النجاح ومين سكاكين الفشل

بس إنت ما نساكيش علشان مسكت فيك بعشم

كل اللي كان عن بعد جميل عن قرب طفح قبح

واللي كان مزهزه تحت ضي القمر دبل الصبح

نفسك أضعف وآجي قصاد أسوار مدينتك أطلب صلح

مش عارفة تجيبيني بوردة ولا عارفة تجيبيني برمح

كل اللي كان عن بعد جميل عن قرب طفح قبح

واللي كان مزهزه تحت ضي القمرذبل الصبح

نفسك أضعف وأجي قصاد أسوار مدينتك أطلب صلح

مش عارفة تجيبيني بوردة ولا عارفة تجيبيني برمح

جات تشوف متحفي فأصبحت تمثال

معظم اللي عملته، عملته عشان اللي بيتقال

معرفش غير الكره عشان ما بشوفش غير أعداء

لو بتحبيني سيبيني أموت في حلبة السباق

إحتاجنا في ليلنا لناس كانوا محتاجيننا

فضلنا عليهم ناس رخاص لحد ما زهقوا منا

وجعنا إتدارى في إبتسامة قالت لناس تغور

الأيام وريتنا شيطان في الظلمة كان ملاك في النور

نفسي أقول لك بكرة أحلى لكن بكرة زفت

إنت محاط بكم من الصعوبات ما جتش جنبه صفر

اللي إنت فاكره قاع ده قمة قاعك اللي جاي

هتسقط مرة آخرى وللأسف هتفضل حي

بدأ يحصل بيني وبيني مشاكل ما بتتحلش

مش قادرين نكمل سوا ومش عارفين نفركش

عايزين نكون نضاف وكثير عايزين نبان نضاف

بحيي كل شخص مدرك إحنا قد إيه ضعاف

كل اللي كان عن بعد جميل عن قرب طفح قبح

واللي كان مزهزه تحت ضي القمر دبل الصبح

نفسك أضعف وأجي قصاد أسوار مدينتك أطلب صلح

مش عارفة تجيبيني بوردة ولا عارفة تجيبيني برمح

كل اللي كان عن بعد جميل عن قرب طفح قبح

واللي كان مزهزه تحت ضي القمر دبل الصبح

نفسك أضعف وأجي قصاد أسوار مدينتك أطلب صلح

مش عارفة تجيبيني بوردة ولا عارفة تجيبيني برمح