Shokran

كل مؤمن مُخلص عاش بيستمتع بإيمانه

و اللي إيمانه بحق ثوابه هو أبدية إستمتاعه

يكون مظبوط لك المسمار وتكون لأبد جحا

فرصة أسعد من أنبوبة أكسجين في زحل

كلامي عن الإيمان بشكل عام مش التوحيدي

خلينا متفقين إنها لا في إيدك ولا في إيدي

رحمة للعالمين كل شخص صالح دين

شكرا ع الإرشاد وشكرا طبعا ع الطريق

بضطر ألعب أفلام معاكوا فبختار المنسي

كفرعون بكتب ع الحيطان بتشغلوا لي نانسي

هات من جملي معنى بعيد أجيب لك أبعد أنا متابعك

سابع حرف العين الحرف السابع جملة السبعة

لو لسه فيه أساطير خلاص معادش فيه غلابة

طول ما انتوا موجودين مفيش داعي لتشبيه من الغابة

احترفوا صناعة الكذب لما استخسرتي تراجعيه

لبانة ما تتهضمش قبل بعد سبع سنين

Don't give yourselves to these unnatural men

Machine men with machine minds and machine hearts

You are not machin, you are not cattle

You are men, you have the love of humanity in your hearts

عزيزي الغربي أخيرا مصر أحرجت بلادك

الطفل هنا ما فقدش جيشه وفقد كل حاجة

قضوا ع الصحة والتعليم لا شوفنا دولة ولا طولنا دين

شالوا عسكر حطوا عسكر بينهم كوبري متأسلمين

بابا أنا جبت مجموع كبير نفسي في آداب أطلع أديب

إكتب يا ابني آداب براحتك بعد هندسات أقاليم

افتكر إن البلد دي ليها أصحاب وليها شعب

اللي فوق دايس اللي تحت وخايف على النعل

كل شخص إتدعى أذى كل شخص سعى و بذل

جهد لحفظ قيم في منعزل عن مبتذل

أكيد براجع نفسي ساعات أنا مش سبب إن إحنا بعاد

لازم ختام السنة يكون مفاجأة بدون ميعاد

بعمل فيها ميت علشان كله ياخذ راحته

بشكر كل شخص معايا وضدي على صراحته

جوهر الحقيقة طول الرحلة كان متآكل

شكرا على الجرح وشكرا ع الشفاء العاجل