An Ròn / Ann an Caolas Od Odram

"Mise nighean Rìgh-fo-Thuinn

Fuil nan rìghrean na mo chrè -

Ged a chì sibh mi nam ròn

Tha mi mòrail nam thìr fèin

"Tìr-fo-Thuinn mo dhachaigh dhùint'

Innis dhùthchasach nan ròn

Caidlidh mi air leacan sàil'

Mi fhìn 's mo bhàn-chuilean òg."

A Bhana-phrionns' a' chuain shiar

A bheil sgeul agad ri luaidh?

Nach inns' thu dhuinn mar a bha

Mun do ghabh sibh tàmh sa chuan?

"Chaidh na geasan a chuir oirnn

Rè ar bheò-bhith le luchd-fuath

'S ged a tha sinn snàmh nan caol

'S e nàdar daonnd' tha dhuinn dual

"Aig tràth-marbh air oidhche fèill

Tilgidh sinn ar bèin air tràigh

'S cluichidh sinn nar n-òighean suairc'

A' crathadh ar cuaillean bàn

"Ach a-nochd tha mi nam ròn

Air an lic an còrs' a' chuain

'S e mo nàdar bhith toirt gaol

'S do chlann-daoine thug mi luaidh."

Ann an Caolas Od Odrum far an caidleadh an ròn

Far nach cluinnte guth duin' ach fuaim tuinne 's glog geòidh

Muime 'g altram a pàistean 's i gan tàladh gu ciùin

Gu bheil tulgadh nan cuantan ga sìor luasgadh nan suain

Hion da hion do hion da odar da

Hion da hion do hion da odar da

Hì o 'an dao, hì o 'an dao

Hì o 'an dao odar da, odar da

Muime 'g altram a pàistean, 's i gan tàladh gu ciùin

Gu bheil tulgadh nan cuantan ga sìor luasgadh nan suain

An ròn rìoghail a' gusgail, 'n eala guileag ri thaobh

A' mhaighdeann-mhara 's i bruadar anns an uaigneas air laoch

Hion da hion do hion da odar da

Hion da hion do hion da odar da

Hì o 'an dao, hì o 'an dao

Hì o 'an dao odar da, odar da

An ròn rìoghail a' gusgail, 'n eala guileag ri thaobh

A' mhaighdeann-mhara 's i bruadar anns an uaigneas air laoch

Ann an Caolas Od Odrum far an caidleadh an ròn

'S far nach cluinnte guth duin' ach fuaim tuinne 's glog geòidh

Hion da hion do hion da odar da

Hion da hion do hion da odar da

Hì o 'an dao, hì o 'an dao

Hì o 'an dao odar da, odar da