Nezam

عن إحساس إني قفلت معاناة الحالة

فبدأت أعاني وصفها بجمل مش متقاله

فى الوقت ده عيني بتقع على حاجات زيادة

مش هتفيد حد لو محدش بمقاييسك فادك

ببطل أسمع نفسي كل فترة بشكل مؤقت

وأبسط اللي بعيشه من كتر ماهو معقد

مش حرب سرعة ولا حرب معلومات

حرب جرعة مكوناتها دارجة والإعجاز في صنعك

هتلاقي سهل ممتنع بس مش هتلاقيها

إستافه تعمل نفس الهيد فى عز نوم الديلر

اللي ييجي فى بالكم قاصده، اللي ضايقك واللى باسطه

واللي هييجي في بالهم قاصده، فهمت النظام حفظته

بدأت أكتشف هل أنا متناسي ولا ناسي

كون مفيش علاقة عامة على مقاسي

أسف لو بوجعك حتى الجملة أكبر منك

فيه علاقتي بـfan وراب و ما بين قوسين جنسك

قطع بيضا في كل حتة ده مش الكريسمس

وطي صوتك يا أهبل كدة قيمة الجملة تنقص

خاف من العالم مش من الفاعل ولا من الشيطان

دي لو كانت بتهين ذكاؤه يشتكيني للنظام

جميلة بكل عيوبك مين ما تتمناش تكونك

القصيدة سقفولها بمعنى أصح سقفولك

بتمدنا العلاقه اللي بيننا بكم طاقة

بيصبرنا على المستمع وغيره مهما الوضع تفاقم

أذكى المتخيلين ذكرياتهم بيشوفوها

من زوايا أحسن من زاوية كل بصه من اللي بصوها

أما أنا بشوفك أنتي من أماكن فيها سبت

أجزاء مني أكيد فهمتي ليه من شهر بعدت

كل زمن عيشت فيه إتفوقت على الباقيين

عجزت فيما يتقنوه تعباني بلع كل التعابين

كان أفضل ليكي تفضلي لو كنتي حابه تضمني

إنك لا يمكن تخسري أنا مش هيروين هتبطليه

أنا أتساوى بيك ليه! رتبتك في النظام إيه

مش نفسي نفسك نفسك أنت أول شكل تكون عليه

بداري طيبتي بشر يداروا شرهم بطيبة

بصماتي مش على التفاحة لكن مخلوق من نفس الطينة

اللى هتشوفيه واجعني مش اللي أنا هشوفه

اللي يعيش فى ضلي مش هيعيش في ضل خوفه

فرحان أنت في مين! ما أنت في ظهري بتضرب بيه

معجب بماسك الجوكر فملامحك بتضيع