Ezdwageyit El Maayiir

ستين سنة مسجل منحنى الجهل إنطلاقة

فساد مدارس، جامعات، والميديا، والصحافة

مؤسسات التنشئة بتخدم النظام

بنقوم للمدرسة إجبار مش إحترام

ف النقص في الأخلاق ده شيء علينا مش جديد

لكنه بان بقوة بعد غياب عصى الرقيب

لو كانت المبادئ الرقيب على الأخلاق

ما كان سلوكنا فسد تحت أي ظرف كان

عمر غياب الشرطة ما بيفسد أخلاق الناس

لكنه يكشف عيب مسجون مستني موت السجان

ما تستغربش مجتمعنا حاله ما تغيرش

العيب خفاشنا وليلنا ليل، عايزه ليه ما يظهرش؟

طيب، أدي المشهد قدامنا من قريب

يا نطالب بالعقوبات ونصلح ع المدى القصير

يا نواجه الحقيقة ونعترف بإن السفينة

غرقانة من سنين وعمالين نجدف بيها

إحنا كذا نبرة، كذا مطلب، كذا طبلة

ف بنظهر فوضى مفيش أمل ننجح ثورة

حال بلدنا الحالي اللي إحنا فيه اللي مأخره

ربك ما بيصلحش من حال ناس ولا إتغيروا

طول ما إحنا كذا نبرة، كذا مطلب، كذا طبلة

هنظهر فوضى مفيش أمل ننجح ثورة

حال بلدنا الحالي اللي إحنا فيه اللي مأخره

ربك ما بيصلحش من حال ناس ولا إتغيروا

الإنتماء بقى مرض؛ علشان في بلدي إختلط

بفكرة اللي مني ما بيعملش حاجة غلط

ف بقينا نرمي العيب ع اللي إنحاز لفكر الغير

سايبين بلدنا تموت ومشغولين بالأسوأ فين

بقى اللي شاغل كل طايفة مش منع الجريمة

لكن إزالة أي بصمة ليهم ع السكينة

وفي المقابل التنديد بكل كيان معارض

ولأنه سلوك متبادل خلق بيننا الطرف الغامض

لأ وساعات نخاف نقف على الحياد

علشان صالحنا الخاص فرض علينا الإنحياز

ف ننحاز على حساب الحقوق والحريات

لينا حلال، ليهم حرام مصداقية برخص تراب

من القبطان لأصغر راكب المعايير مزدوجة

أما الإعلام الغير محايد ف إتسبب في العدوي

لكن على فكرة ربك خلق جوانا الفطرة

ما تستناش توجية للصح امشيه بنفسك أنت

إحنا كذا نبرة، كذا مطلب، كذا طبلة

ف بنظهر فوضى مفيش أمل ننجح ثورة

حال بلدنا الحالي اللي إحنا فيه اللي مأخره

ربك ما بيصلحش من حال ناس ولا إتغيروا

طول ما إحنا كذا نبرة، كذا مطلب، كذا طبلة

هنظهر فوضى مفيش أمل ننجح ثورة

حال بلدنا الحالي اللي إحنا فيه اللي مأخره

ربك ما بيصلحش من حال ناس ولا إتغيروا

الوضع زاد سوء لما إختلط مفهوم

الإنتقام بالعدل سد الجهل نبع النور

مع إن أمر الدين كان العدل مع الغريم

آية ثمانية من المائدة، سفر الأمثال خمسة وعشرين

وفي سيرة الرسول عبرة في قصة بتقول

بعد إقتحام حصون خيبر قدم اليهود للرسول

شاه مسموم حكمة ربك إنه يدوق

جزء منها يتفه لو كذاب كان هيموت

ساعتها رسولنا دعى المرأة التي أودعت

سم جوه الشاة فإعترفتله على فعلها

وعشان رسولنا مدرك إن الإنتقام مش عدل

أمر بالعفو ف القصاص مرهون بفعل القتل

نفس الرسول أقام حد السرقة بشرع الله

على مرأه بني مخزوم ولما شفع لها الأشراف

قال هلك أقوام شريفهم لو سرق تركوه

فقيرهم لو سرق يقيموا الحد ويحاسبوه

إحنا كذا نبرة، كذا مطلب، كذا طبلة

ف بنظهر فوضى مفيش أمل ننجح ثورة

حال بلدنا الحالي اللي إحنا فيه اللي مأخره

ربك ما بيصلحش من حال ناس ولا إتغيروا

طول ما إحنا كذا نبرة، كذا مطلب، كذا طبلة

هنظهر فوضى مفيش أمل ننجح ثورة

حال بلدنا الحالي اللي إحنا فيه اللي مأخره

ربك ما بيصلحش من حال ناس ولا إتغيروا

إحنا كذا نبرة، كذا مطلب، كذا طبلة

ف بنظهر فوضى مفيش أمل ننجح ثورة

حال بلدنا الحالي اللي إحنا فيه اللي مأخره

ربك ما بيصلحش من حال ناس ولا إتغيروا

طول ما إحنا كذا نبرة، كذا مطلب، كذا طبلة

هنظهر فوضى مفيش أمل ننجح ثورة