Kateb

مرضيتش أقول لحد إن أنتي ملهمتي الوحيدة

وإني مبقتش عارف أكتب سطر وأنتي بعيدة

واصل قبل ما أنتي تصحي بساعة وي تقريبًا

تحت الشباك وماسك ورد وبكتب القصيدة

خليتي الرحلة مش طويلة، الرحلة مش بطيئة

نسخة من عالمنا غير موازية للحقيقة

كل حاجة حلوة عشان علاقتنا لسه جديدة

صبرًا يا سندريلا الساعة اتناعشر إلا دقيقة

في الغالب المفروض يهمك كذا عن إيه مش مين

كذا بيمسك أنت في صاد، شاغل بالك ليه بالسين

مرضاش أجاري الجاري بإني أكون فنان تجاري

مين اللي عاجز يبقى التاني، صبحي ولا عبد الباقي

تمدد الإنتماء بعشوائية عيب مش ميزة

تخيل عالم يجمع بين بني آدم وبني عيسى

صاحبك مش جوكريان، مش هيقدر اللي بقوله

لو كان في أمل منه كنت هقولك فهمه له

مستحيل الواقع أصبح مستحيلين بكدبك

قابليني في المشمش لما تشوفي حلمة ودنك

ضعيف والضعف مر، كلامي في بعدك كله كره

بفضي لمقابلتنا قلبي منه في كل لحظة تمر

مستحيل الواقع أصبح مستحيلين بكدبك

قابليني في المشمش لما تشوفي حلمة ودنك

ضعيف والضعف مر، كلامي في بعدك كله كره

بفضي لمقابلتنا قلبي منه في كل لحظة تمر

في المعركة اللي أنا يا دوب أقدر أخرج منها سليم

قلت تهرب ليه ولمين، ارجع موت وسط الباقيين

الكفر بلع أراضينا وفي أراضي الكفر بنبقى

هربانين عديمي الصوت فبتاخد اللي تعوزه منا

إزاي عايزاني أتطمن وأنا شايفك على طول مرعوبة

فاكراني صعب أعيش معاكي، لأ أنا عايش بصعوبة

كان نفسي وسط الضلمة أبقى شعلة وأنا النوع ده

بس محدش كان لي أكسجين، أنا في بلد معدم

في بدايتنا كنت معجب فمحب فاء السرعة

وأخيرًا صرت نقط، آسف وصفي مش في المعجم

كاتب وأنتي عارفة يعني إيه كاتب في مصر

مش في إيدي أهديلك واقع فيدوب بهديلك وصف

كنت قادر أضل السطحي بغنوة تخدع رأس المال

سبت السطحي يضل السطحي، مخذتش حتى راحة البال

إوعى تفسد حق بباطل، في حدود لو في مراحل

لو وصلت للرماح نموت لتوصل للمصاحف

مستحيل الواقع أصبح مستحيلين بكدبك

قابليني في المشمش لما تشوفي حلمة ودنك

ضعيف والضعف مر، كلامي في بعدك كله كره

بفضي لمقابلتنا قلبي منه في كل لحظة تمر

مستحيل الواقع أصبح مستحيلين بكدبك

قابليني في المشمش لما تشوفي حلمة ودنك

ضعيف والضعف مر، كلامي في بعدك كله كره

بفضي لمقابلتنا قلبي منه في كل لحظة تمر