Resala Rakam 1000

زي ما يكون الشقى من أجل الشقى مطبوع في جيننا

كل ده ويا ذوب عارفين نوفر أكسجيننا

العالم سلبي بوجودنا أو من غيرنا

ما عوزناهاش على طبق من فضة وعهد الله عافرنا

أما بعد ما قدرش أديكي وعد

من خبرة ربع قرن لقيت إني مش وجه سعد

بكرة يا فوق كف العفريت وكل يوم تهديد

أنا زي ما تقول لي سبرتو والزمن عيدان كبريت

لا عوزت تاج وعرش ولا مفيش عوزت أعيش

مش كل من قبل مقام الدنيا صار درويش

إتكاثروا عليّ ومكانش شىء في إيديّ

ميعادنا في الحياة اللي جاية لو الشمس حية

لا صوت يعلو فوق صوت الإعلام الأحادي

حتى لو فتحت القفص الطير بقى إعتمادي

بوصل خط النهاية لكن ما بقوفش للميدالية

من مسرح مصر الله يمسيك بالخير يا وليم

غضبان غضب مبالغ فيه كان محال أنا أميل

كان سؤال أنا مين بيطاردني للنفس الأخير

ياما شاورت لك ع الشر واستنيت تطرحي

وجهة نظر من مطرحي عشتي إيه عشان تنصحي

آسف ع الإزعاج والإحتياج وقلة المزاج

آسف على إن الطريق معايا كان زجزاج

مش بتعلم بسرعة وبليد في ظبط الجرعة

وعنيد وعندي ما بيراعيش أمور وجب أن ترعى

على قبر أرسطوا نحتوا راس فنان مُسف

لو كانت في حتة ثانية كنت أقول ممكن نخف

مسير الطين يجف أثينا بينا بتستخف

الأرض واقفة حداد والكون مأجبرهاش تلف

عزف العود الأبدي مش في صالح اللي أنا عليه دلوقتي

أفضل أواجه الهلاك بشكل فردي

إهربي بلاش تعاندي هتقعي مش هتساندي

الدنيا مالت عليّ والزمن موقفش عندي

يا ريتني قلت لأعمري ضاع على المدق

كانت بقت أكسجين خلاص أما ابتدت تغمق

شفت موت ملوش ميعاد في فراغ ملوش أبعاد

عشت ست سنين أربعة وعشرين ساعة بتتعاد

عيونهم مراية بايظة كان قرباني ليها

إني أشوه وجهي لأجل ما يطلع شكلي حلو فيها

ما فرحتش أما طلع لك صوت لإنك بنت موت

الكاس في إيد صحاب الكاس من قبل أول شوط

تخيل اللي إنت فيه من أجل ناس مدركة

إن الخوف أمان ونزعة الواجب مهلكة

خيوط الصح والغلط في بلدنا متلعبكة

كله ضهره لحيط عشان محدش أهل ثقة

كنت فين وانا بصرخ إن نهجك استنزفك

وإن ألاتك اللي عزفتي عليها أصبحت تعزفك

فـمعادش تجزيء الحقيقة يستر العورات

ولا عاد معاكي إبرة وفتلة كل دي مقصات