( كتر الزعل بيحول )الكل فجأه نسيني

الكل فجأة نسيني

والوحدة بتقسيني

وأقرب ما ليا بيجرحوا فيا

بقى كله كيفه يرازيني

قولت بحبك كدبتيني

ده أنا ريّحتك عذبتيني

ما سبتكيش إزاي سيبتيني

ما تخيلتش بعدك لحظة

(كيمو الديب)

طيب وهقلب قاسي

فاكر وهعمل ناسي

ما حدش بينفع حد بجد

هقتل خلاص إحساسي

مين فيكو حاسس بيا

وفي ضيقتي كان جنبيا

دمّرتوا قلبي والذنب ذنبي

همشي وبلاها صحبية

من غير سلام هبعد وهفارق

غيابكو بالنسبالي مش فارق

ده أنا كل يوم بفارق وأتفارق

وإتعودت خلاص ع البعد

مش مستاهلة إني أشغل بالي

حكايتكو خلصت بالنسبالي

ومش شايفكو وعادي لا أبالي

مع بعض أحسن لينا على بعض[اللازمة]

الكل فجأة نسيني

والوحدة بتقسيني

وأقرب ما ليا بيجرحوا فيا

بقى كله كيفه يرازيني

مش هدي حد أمان

مش هبقى زي زمان

أصل التقدير خسّرني كتير

كان هيدخلني لومان

مالقيتش مرسى وأنا أرسى عليه

وأنا مش هعاتب، أعاتب ليه؟

كله هيجي حجري برجليه

وساعتها هعمل عليكم النمرة

يا اللي إنتدبتوا حالف ما هسيبكو

نصيبكو لو كان فين هيصيبكو

علشان غلطتوا أكيد هحاسبكو

وهوريكم العين الحمرا

أنا اللي مني سابوني

وأنا قولت بيحبوني

خصّمت حاربت الكل عشانهم

وفي الآخر حاربوني

كتر الزعل بيحول

ما بقيتش زي الأول

ضحكتي بتعدي بسرعة

لكن وقت الأحزان بيطوّل[المقطع الثالث]

قدّرت نفسي كإني في رحلة

وبتسحل من سحلة لسحلة

صبَّرت حالي وقولت هتحلى

يمكن ألاقي الزهر بيلعب

سنين في جري وهم وغربة

وخوفي قاتله ودافنه في تربة

الضربة أنا بردها ١٠٠ ضربة

مش بتهد ولا في يوم بتعب

فاقد ضياع مش باقي

ما بخافش من أعدائي

أنا مهما أدور على جدعان

برجع وأقول مش لاقي

الحب جالي بخسارة

أصل الصحاب غدارة

لو جيبي مليان الكل معايا

غير كده بيبيعوا بإشارة

قولت بحبك كدبتيني

ده أنا ريّحتك عذبتيني

ما سبتكيش إزاي سيبتيني

ما تخيلتش بعدك لحظة

قدّرتك ويا ريت قدّرتي

ما غدرتش بس إنتي غدرتي

إنتي على النعمة إتبطرتي

بتزعلي فيا ومش حاسة[اللازمة]

شوفت الخيانة ألوان

أصحاب كلاب نسوان

والجدعنة تاهت وسط الغدر

مش لاقي ليها عنوان

دمّرت نفسي بنفسي

السكة قطعت نَفَسي

عمّال بحايل فيكي يا دنيا

يمكن في مرة تحسي

ملعون أبو أم الجدعنة

تنفع يوم وتأخر سنة

كنت سالك يعلم ربنا

صونت اللقمة اللي بلعتها

عشت بقدّر خلق الله

اللي إحتاجني لقاني معاه

واللي تمامه القرش بلاه

حياتي في الأكشن بيعتها