مات قلبي وماليش اخوات

حصريًا على موقع مهرجانات دوت كوم

كل الناس بتحب آذانا

واخدين عين والله عميانا

خلق في حالنا ما هيش سايبانا

ليل ونهار نازلين فينا قر

شوف، أنا ديب غلس يا خروف

بجح ومش مكسوف

أنا بدي عشوائي

كيمو الديب

مات قلبي وما ليش إخوات

وآخدت ع الحكايات

ولا فارق معايا شيء

ناس أحضانها فيها إمواس

خراطيش كمان ورصاص

واقفينلي في الطريق

عاش، عاش اللي ما يخوناش

ويصوننا، ما يهيناش

نشيله في العيون

راح الود في إستشلاح

بقى من نجاح لنجاح

تقديركو مش مضمون

مش سايبيني في حالي، تاعبكو

أنا بعبع، في بيوتكو راعبكو

من الرجالة ما بقتش أحسبكو

نفذ حسابكو معايا خلاص

ده أنا كابس، قاطع أنفاسكو

من كتر الحرب مفلسكو

أنا بالضعف يالا محسسكو

وأنا جبروت، ما بشوفش الناس[اللازمة]

عيش، أنا فرد وإنتم جيش

واقف عشان تفتيش

أنا ريس المجال

دور هديته، هعمل سور

تعبان، ما ليش دكتور

ده اللي يروحله العيال

نوع، أنا في الخيال موضوع

من غير حصون ودروع

هايبيني في الغياب

جيت، أنا وقت زعلي مميت

يا اللي إنت جي في صيت

هو هو زي الكلاب

أنا لا كيوت ولا حد فانكي

أنا مطروش، بضرب بسونكي

فتح مخك يا إبن الدونكي

لا أحسن كده هعملها معاك

لم حبيبتك، مش عاتقاني

قولها ما ترنش هنا تاني

ما هي في دماغها بقت حطاني

شكلها فجرت، مش عايزاك

غيب، ما فيش شيفاز، في زبيب

في حبس، في تغريب

ما فيش جدع، مش لاقي

شوف، أنا ديب غلس يا خروف

بجح ومش مكسوف

أنا بدي عشوائي

صيت، حبوني لما عليت

دول في الكلام قراميط

ما حدش زيهم

كاس وحريم تجيب إفلاس

والحفلة ع الهلاس

وأنا هخلع منهم[المقطع الثالث]

زي حبيبتي ما شفتش حرمة

كلكو عايزين ضرب الصرمة

محتاجة تعمل بس الفورمة

عشان الناس تمشي تبصلها

وأنا محتاج واحدة تاخد عقلي

لو تتزوق تتزوقلي

مش جوديانة ومشوي ومقلي

لما تعوز حب أصبلها

زين رمشك يا نور العين

مليانة شوق وحنين

ملك حبيبك وبس

لوزة، مانجاية، ما تقولش موزة

دي ريد بل، مش كازوزة

في بعادها عني بخس

سكر، المر منها مسكر

ما أعرفش في غيرها أفكر

كل البنات دي تسالي

وإنتي، إنتي الملاك في بلادي

لسه مكانك فاضي

بت، إنتي كعبك عالي

كل الناس بتحب آذانا

واخدين عين والله عميانا

خلق في حالنا ما هيش سايبانا

ليل ونهار نازلين فينا قر

تاخدم كام وتفارقوا سيرتنا؟

وبلاش تيجوا تتغدوا في بيتنا

ده إنتو عينيكم هتموتنا

لما بنضحك نضحك مر[الخاتمة]

كينج ومجدع، مش مغرور

ده في جدعنته بنى مية سور

المرجلة ده عبده عاشور

هو أخويا الغالي عليا

حصريًا على موقع مهرجانات دوت كوم