Balad El Tanaod

العالم كلّه عم يسألنا "إنتوا والله كيف عايشين؟"

قلتلّن هيدي بلدنا صرنا عليها معوّدين

سياحة، فنّ ومعارك، الله الحامي، الله مبارِك

يللي بدّو يجي يشارك، نحنا بسيرك المجانين

العالم كلّه عم يسألنا "إنتوا والله كيف عايشين؟"

قلتلّن هيدي بلدنا صرنا عليها معوّدين

سياحة، فنّ ومعارك، الله الحامي، الله مبارِك

يللي بدّو يجي يشارك، نحنا بسيرك المجانين

يا عمّي اللبناني شغلة بيتديّن حتّى يسهر

قاعد لا عملة ولا شغلة، ليليّة بدّو يضهر

والأسواق عم بتعاني، بسّ الملاهي ولعانة

ناس بتصرف، ناس طفرانة، ناس بالخيمة عم تكبر

بهالتّناقض ما تتعجّب، ناس بسمنة وناس بزيت

فيك تتزلّط، فيك تتحجّب، صيف وشتي على نفس البيت

بين الكنيسة وبين الجامع بار صغير كلّ شي جامع

بطرس أحمد، ماريو لامع، سيرج وبرج، فاطمة ولوران

فيها المخلص والشرير، مدينتنا بتساع الكل

فيها الغني والفقير، هيدي القصة ما رح تنحل

ناس بيحكوا فغنساوي، جماعة بتحكي العربية

ستيك، هريسة أو مشاوي، كبة وسوشي يبانية

فيها سواح ونازحين

بنفس الشارع سايحين

ونحنا بيناتن ضايعين

Francophiles, Anglophiles

أقلية Arabophiles

قوميات، اراكيل

من البداوي لسن الفيل

هيدا البلد مش طبيعي

ونحنا مش طبيعيين

بعكس الطبيعة ماشيين

العالم كلّه عم يسألنا "إنتوا والله كيف عايشين؟"

قلتلّن هيدي بلدنا صرنا عليها معوّدين

سياحة، فنّ ومعارك، الله الحامي، الله مبارِك

يللي بدّو يجي يشارك, نحنا بسيرك المجانين

في عنا ١٨ طايفة، وما زدنا صحون ١٨

عيل الديون عليها طايفة، عيل بتبلع ما بتشبعش

اللي بيصلي، واللي بيسكر، قاعدين بذات المعسكر

أجمل مسلسل عم تحضر، سرقة، خيانة، طأش وفأش

هيدا البلد مش طبيعي

ونحنا مش طبيعيين

بأحلى بلد عايشيين