El Raqsa El Akhira

بطلت أكلم حد لحد ما حد خذ بإيدي

لو مكانتش إقتنعت بيّ مكانتش ظهرت عبقريتي

كله أصاب فيما أصاب وأخطأ فيما أخطأ

الحق أحق أن يتبع مهما هنوصل أبطأ

إنت عمرك ما اقتنعت بقد إيه بنكمل بعض

أنا لاحظت كون الفكرة بتقوى بنقد نقط الضعف

تعدد عصبياتنا في العموم شيئ مفيد

وإن استمر الفيل في إعتقاد إن الإله فيل

بلجأ لك إختصارا في اللي أنا فيه فعلا محتاجك

مستحيل حد من الصفر لوحده يعرف كل حاجة

ده مش معناه إني أقل ولا إن إنت أعلى

أنا بقفل التأويل وإنت بتغرق في المعنى

لسه معرفتيش من إمتى ما بتفهميليش ولا كلمة

من ساعة ما كل حاجة معاك إبتدت تكون مملة

عمرك ما شوفتي حقيقتي ولا فهمتي حقيقة ده كله

كل واحد شاف الثاني الواحد اللي حب يكون له

مضطر أسيبك وأمشي منعا للمخاطرة

الورقة رافضة أعيش لك وأبقى أزورها كل فترة

أنا بشرح على قد عقولكوا ولسه ما تفهمش شرحي

إنت كلامك مات وإنت لسه عايش إنت سطحي

أسئلة القرية دي محدودة جدا عالم تافهة

المدينة دي مبالغ فيها جدا عالم كافرة

البلد دي كاملة جدا بس أخينا عمره ما شافها

بقراها بمدنها بكل حاجة وحيدة بإختلافها

ظروفه كانت غير ظروفهم فخرج عن الإجماع

ظروفنا الآن شبه ظروفه فاجتمعنا على فتواه

مش في صالحك يبقى مثالي طول ما إنت في قمة متعدد

باب الإيمان قصير ما بيدخلوش متكبر

سيبي لي حاجة أفتكرك بيها حاجة ريحتك فيها

حاجة استخدمتيها في أوقات مش حباني أعيش ناسيها

للخروج من واقعهم للأسف لازم توقيعهم

يؤسفني أقول لك في بعض الحاجات شبة طيعهم

بس ده مؤقتا هما يقولوا بطل وأبقى بطل

واوعى إنتظارهم إنك تقع هو اللي يسقطك

وتبدأ النهاية بإني أقبل حاجات مرفوضة

واحدة بجمالك إنت في بالي صعب تكون موجودة

أجزاء شبه عشوائية سوا تبان مخيفة

إنت سامع من الغنوة آله بتعزف صوت مؤامرة سخيفة

اللي في صالح السيناريو طول عمري بنفذه

لو أبرهة بيغرق قبل عام الفيل هروح أنقذه

أسئلة القرية دي محدودة جدا عالم تافهة

المدينة دي مبالغ فيها جدا عالم كافرة

البلد دي كاملة جدا بس أخينا عمره ما شافها

بقراها بمدنها بكل حاجة وحيدة بإختلافها

ما عرفتش أشكر مين ساعتها وعدى الموقف عادي

مجاش في بالي إن أنا الشخص اللي أنقذ حياتي

براجع نفسي لما ألاقيني تهت في التفاصيل

فإنفصل عني الجزء اللي مراقبني من بعيد

شايفك يا بلدي بتبصي له وإنت بترقصي له

بصة فلسطيني لإسرائيلي ناهب محصول طينه

في لوحات يا ذوب فيها بسيب كذا خط ولون

كونوا في كل عصر كل رسمة تفيد الكون

غلبانة بتقول للناس إنها بكرة هتنسانا

مش عارفة إن اللي يعيش من غيرنا أكيد معاشش معانا

صدقي اللي إنت بتحسيه كذبي اللي إنت بتشوفيه

استخدمي البعد اللي إنت عارفة إنك في حضني فيه

كان باين في عينيك الزهق

ما بانتليش في عينك غيرة

قلت لك إني عارف إن دي الرقصة الأخيرة

أسئلة القرية دي محدودة جدا عالم تافهة

المدينة دي مبالغ فيها جدا عالم كافرة

البلد دي كاملة جدا بس أخينا عمره ما شافها

بقراها بمدنها بكل حاجة وحيدة بإختلافها

أسئلة القرية دي محدودة جدا عالم تافهة

المدينة دي مبالغ فيها جدا عالم كافرة

البلد دي كاملة جدا بس أخينا عمره ما شافها

بقراها بمدنها بكل حاجة وحيدة بإختلافها