Mli Chemss 3lik Tghib

خرجوني مقطن مالدار والوالد ما فهم والو

الوالدة تبعاني بالحفى ودموعها سالوا

جوقة مجوقة كنو واحد شني كيقول فبالو

الدري دالحومة مأسفين حيت عارفين سنين من عمري غيذبالوا

سطفيت فالقارة كتناني

والدم فسناني

كيوكلوا بيا لخليع على بنادم ويشفيو لي كواني

كنشوف الضحكة فوجوه عدياني

مانقدرشي نقول ماشي بالعاني

حيت أنا لي خترت بلي الشيطان عماني

سمحولي، هي الكلمة لي جبرت فحلقي

غلطت فحق الناس لي سمحوا فحقهم من أجل حقي

خارج من حداهم وراسي حاني

شلل لساني

كنحس بالذنب حيت كيف ما كان قصدي كنت أناني

غامرت براسي ونسيت بلي أنا ماشي ضراسي

أنا ملك للناس لي تعتهم فوق راسي

وقلبي ينزف والدمعة حشمانة تسيل

زهري تعزف وتسقى بدموع الويل

ملي الشمس عليك تغيب

ملي الظن فغدة يخيب

ملي دموع الويل عليك تسيل

ما تنساشي ربي كبير

ولي صبر يجني الخير

حيت ماجي النهار من بعد الليل

ملي الشمس عليك تغيب

ملي الظن فغدة يخيب

ملي دموع الويل عليك تسيل

ما تنساشي ربي كبير

ولي صبر يجني الخير

حيت ماجي النهار من بعد الليل[المقطع الثاني]

أنا عارف بلي حب الأم أعظم حب فالكون

وخى يبكي عليا العالم دموعو بلا لون

ما كانشي قصدي، نخرج من تحت جناح الرضا

يمكن حيت صافي كبرت وما بقيتشي نرضى

يمكن حيت الوالد كان حديد وتصدى

ولا حيت سيف الزمان الحافي تمضى

ما قدرتشي نبقى غي كنشوف

كان لازم نتحدى الظروف

ومشيت فالكريمي وخى الفينال المعروف

وبديت كنبيع فالسم وعارف بلي كنبيع سنيني

عارف بلي عيجي نهار النوبة عتجيني

وكذبت عليك وفنيتي بغيتك ترتاح

مليت نشوفك خارجة تدمر كل صباح

الوالد كان حلمو يلحق غي شي سكنى

بوبري طاحت صحتو وطاح فالركنة

التقاعد جوج فرنك ما كافين حتى نالدوا

قلي فهاذ الظروف الحياه شني تسوى؟

ملي الشمس عليك تغيب

ملي الظن فغدة يخيب

ملي دموع الويل عليك تسيل

ما تنساشي ربي كبير

ولي صبر يجني الخير

حيت ماجي النهار من بعد الليل

ملي الشمس عليك تغيب

ملي الظن فغدة يخيب

ملي دموع الويل عليك تسيل

ما تنساشي ربي كبير

ولي صبر يجني الخير

حيت ماجي النهار من بعد الليل[المقطع الثالث]

الوالد ما ضربلي حساب حيت عارفني بنفسي

وعارف كيفاش نجيب راسي وكيف ندوز حبسي

وحيت الفقر ماشي راجل

أنا اليومة عاكل

بين ايدين سيد القاضي وحكم لسانو قاتل

نكذب عليك إذا قلتلك فكرت فلي عملتو حرام ولا حلال

كنت كنفكر غير فالمال

اللي ولات فهاد الوقت مقياس للرجال

شحال ما عندك تسوى والخاطي غير قوال

بغيت خوتي يقراو فأحسن المدارس

بغيت نهار العيد يصبح كلشي نجديد لابس

بغيت ختي ما طيحشي فنياب الشمايت

بغيت يما ما تخدمشي فديور الناس

عييت من حياة الباديو والضيق والقطرة

مليت نشوف مول الدار كيغوت عالكرا

"كرهت ينعتوني بالـ "البوفري" و" المسكين

جبرت راسي وسط لحومة كنبيع الهروين

ملي الشمس عليك تغيب

ملي الظن فغدة يخيب

ملي دموع الويل عليك تسيل

ما تنساشي ربي كبير

ولي صبر يجني الخير

حيت ماجي النهار من بعد الليل

ملي الشمس عليك تغيب

ملي الظن فغدة يخيب

ملي دموع الويل عليك تسيل

ما تنساشي ربي كبير

ولي صبر يجني الخير

حيت ماجي النهار من بعد الليل