Baghr2 Ala Ba7r Ndala(Ayamy Mosalsal Fashel)

حصريًا على موقع مهرجانات دوت كوم

بغرق على بحر ندالة وكلها واقفة بتتفرج

بكتب زعلان ع الحالة بلاقي الأندال بتهرج

خلق رخيصة بتتعالى والخواف بقى يتثورج

كيمو الديب

أنا متضايق من نفسي وكل ما بزعل بتحول

فاقد، ما بقتش رومانسي ومش طيب زي الأول

إنتم ماشيين على حسي وجيبكم مني بيتمول

آه يا دنيا عافية بتقسي، شكل الأحزان هتطول

أيامي مسلسل فاشل عشان المخرج كان قلبي

طيب على هيئة قاتل وشلت ذنب ما هوش ذنبي

مشكلة بتجر مشاكل وما فيش حد واقف جنبي

كلها عايزاني أتاكل وما فيش صاحب غير صاحبي

خلاص خلصت ما بينا، سلام ويا اللي غدرتوا فارقوني

بقت من غيركو عيشتي تمام بجد ومش وحشتوني

كلام في كلام يجيب في آلام، كفاية عتاب، خنقتوني

رميت الخوف من الشباك وحادف نفسي ع الخطر

وعايش عمري وسط عراك وقلبي مقطعه بقطر

يا خصمي عينيا مش شايفاك، ما أخافش، ما كل شيء قدر

بغرق على بحر ندالة وكلها واقفة بتتفرج

بكتب زعلان ع الحالة بلاقي الأندال بتهرج

خلق رخيصة بتتعالى والخواف بقى يتثورج

دنيتي خربانة تعبانة، بس بعون الله هتفرج

مخنوق من كل زمايلي، آسف، مضطر أهرب منهم

إزاي يبعوني ما تقولي اللي أنا كنت بشيل عنهم؟

ريحت دماغي أحلالي، أنا ما بقتش أعرف مالهم

لو كنت رخم أو حاجة همشي خلاص وهسيبهالهم[المقطع الثاني]

طريق الجرح والأحزان ده رحت عليه برجليا

بقول البعد أحلى مكان عشان الحب مش ليا

غرقت وتهت في الدخان وشايف موتي حواليا

في وقت الشدة قالوا غياب ونسيوا العشرة في دقيقة

وقفلوا قصادي تلاتين باب في أيام صعبة وبطيئة

وإوعى تقولي دول أحباب اللي سابوني في الضيقة

بشرب وبزود شرب وباجي على نفسي وبزيادة

أنا داير جوايا حرب ومش فاهم روحي كالعادة

أوقات نفتكر القرب أحسن في حياتنا ونتمادى

نفتكر إن إحنا الغرب وما شفناش أي سعادة

مش كل اللي بيضحكلك بيبقى حبك من قلبه

دي الناس وقتي بتسلكلك وهما أصلاً بيحاربوا

إركن قلبك من فضلك ما الخاين هيشيل ذنبه

زمن اللي معاه قرشين تلقى الكل لازق جنبه

حصريًا على موقع مهرجانات دوت كوم