عيني بتبكي م اللي فيا - كنتي عيني لكن عمتها

حزن صامت يهمس القلب الحزين

ثم يكسرها البكاء والأنين

يابا، يابا، يابا، يابا

يابا، يابا، يابا، يابا

يابا، يابا، يابا، يابا

يابا، يابا، يابا، يابا

كيمو الديب

عيني بتبكي من اللي فيا

نفسي حد يحس بيا

كل الناس جايين عليا

أنا مش وحش، ليه بتخان؟

اللي قلت هيبقى جنبي

حط سلاحه جوة قلبي

مجروح بس كاتم ومخبي

أنا على نفسي بنام زعلان

مش بخاف من الموت عشان أنا نفسي فيه

كل لما بروح مكان بنده عليه

أنا شاب كل يوم بكيت عينيه

الحياة كارهاني، يبقى أعيشها ليه؟

كل ما أنسى تفكروني

كل ما أقوى بتكسروني

كل ما أمشي تشتموني

وتقولوا عني إن أنا بياع

ليه يا ناس يا كويسين؟

ع الستوري ملقحين

ده إنتوا لا ما لكوش وشين

إنتوا ليكوا يجي ألف قناع

ليه أحب في ناس وهما ما قدروش؟

باسوا إيدي، في وشي ضحكوا ما كشروش

كام لسان مسنون في ضهري ما قصروش

خلوا دمعي مش مفارق الرموش

لما جرة ليلي تحل

ببقى شخص كئيب وممل

بلقى تفكيري بيتشل

بس دمعي نازل بيسيل

بحكي ليا وببقى سامعني

بكلامي قلبي بيوجعني

قصتي دراما بتقطعني

ونفسي شايلة، الحمل تقيل

حزن صامت يهمس القلب الحزين

ثم يكسرها البكاء والأنين

يبكي وحده بدون علم الآخرين

ينفجر بعد دقائق مش سنين

كنت عيني لكن عميتها

حاجة مش حلوة ونسيتها

حتى صورتك دي رميتها

مش فاكرلك أي خير

إنتي خانة في ذكريات

إنتي ورقة في مهملات

إنتي مش زي البنات

ده إنتي صنفك صنف خطير

مين هيقدر يبقى جنبك إنتي يوم؟

ده إنتي طبعك أقوى من أخطر سموم

حبك إنتي كان مزودلي الهموم

وفي بعدك مرتاح جدًا، بيجيلي أنا نوم