Batr Atraf

عملية بتر أطراف

مش بالمنشار بالكرباج دكاترة أتراك

إبراهيم ناجي كذاب أنا إللي كتبت الأطلال

مش عشان أنا عملاق لأ إنتوا بجد أطفال

هتقوللي الكبرياء لحسك سنة

و فيها إيه يا عم إني أبقي براب و أحسن منك

شوف إنت إزاز بالنسبالي شفاف

إنت مش رسام بالنسبالي شفاف

عايزك تحفظها قولها ٣ مرات هظهر

أبيو صاحب واحدة مش مشقوطة مالبارات غاظها

راكب موتسيكلك هخيشه في دجلة

فك مفترس قرش ماتسووش عندي نكلة

و مازلت لسة عايش عشان ربك بيسترها

لما الأرض بتتشق و تبلعني بقف في زورها

تسمعني ٣ دقايق تقعد شهر بتكتب

هسقفلك بس هيبقي بكعبي في ضهر الشبشب

دي الجزمة إللي بلبسها لما بنشط

دولا مش إم سيز دولا لبسة علي المنشر

بعبي الأوضة بصوتي بملاها صدى

مش مالفضى إن الفانز راسمين اللوجو عالمنضدة

ردي علي أى دس بـShare فا خدوها Target

موقفهم في صف زي كاشيير السوبرماركت

أرجو التسخين قبل الكلام الهام شهيق زفير

ورود و دبلوا مقاسي لارج و أنا ماشي في طريق سفير

كإنه مش تليفونك تستغرب أما تبص عالنمر

في الأول بسيبك في الآخر بجيبك في النص أعذبك

يأتي وقت الراحة مابارابش بصراحة

بطل عديتهم بطلع ديكهم ليل صباحا

خدعة سينيمائية بسينس جامد إن في اللينس بان

إن الإنس جان ساسبينس بإنسجام ده فيلم الكنز مان

قوللي في رينج كام كورتك مش في إيدك

بقول إتشيز و أنا بتصور بدبح تورتة بالسكينة

قرفان من الدنيا نازل بالمنشار في الموميا

بقول يا ريت أنام دقيت كمان مسمار في الدمية

لزمتها إيه أقعد أنا في حانة؟ مش بشرب

في البيت بفرد أجنحة الدبانة بالمشرط

زاد السواد في قلبي من كتر شيل التار

إسكب دشيت إطباق إسكت ده الشيف إتشاط

زهايمر مضاد السهو عالجدران

قالوا يا خبر! و ماكانوش بيندهوا عالجرنال

التركيز في الشيء مضر ليه فاكس نتشتت

للأسف الحلم إتنسي وفي جيب الجاكيت إتفتت

صف طفل التردد صفر فا في فروق تضحية

روحت لحد الشمس و رجعت ديه حروق سطحية

ده مطب Stop الصد بصبر

معروفة إن حتي الأسمنت بيتصب في صمت

نص الماتش في الركن بين المضمضة و القلق

وشك إزرق مالحبر عشان بضربك بالقلم

طير إنت فوق و كون سحابة متربة بالبلا

عشان تشوف بعينك إن أنا كهربا في السما