Ana L'Meghribi

Ana lmeghribi weld l'blad ana li galo 3lya 7or

Ana li dowwebtha f lsani melli chrebt f kass lmor

Ana l7fyan fog jmer, ana li na3es fog chouk

Galo lya ghanghechok, skout la bghitina rechok

Ana li jebt listi9lal, bach n3ich listighlal

Ana li 3e9li 7abes ghayr sali7 lil isti3mal

Ana li dayekh kter ma sa7i, 9ari bla mafahem

9etlouni b sla7i 7it 9errawni kolchi drahem

Mineur weld zan9a, 3aych 7yato mcherred

Makaynch li dwa 3lya 7it smiyto L'Mjerred

Ana li dkhelt l7ebs 7it lwakil khadha f jwa

Ana li 3emro lya 7it anaya dedd rechwa

Ana li klit l3sa 7it bghit ndwi 3la 7e9i

Flouka fog lma, meli galo lya gher9i

Lama fog 3ar9i, flard wla f sma

Bghit nmout 3la rez9i 7it defnouni fel azma

Ana li 3aych fel ghorba 7fid Tarek Ibnu Zyad

Mohamed Améziane 7fid Cadi Ayyad

Ramz lmo9awama Mouha Ou Hammou Zayani

Abdelkrim Al-Khattabi, Mohamed Hassan Ouazzani

Charif Al Idrissi chouf bnat wlad lycée

3chiri ta7 w tedrissa, wana ba9i kangrissi

Meghribi b7al cha3b, ana li jamais kent syassi

Mentouj dyal bladi, f wri9a jab n3asi

Jeddi fte7 sbanya, daba hareb liha f'bateau

Ana howa li ched chi korssi kaybghi ymse7 fya sebbato

7yati cicatrice ila nta 3aych'ha tatoo

Ch7al men wa7d dah lb7er, anaya men dok li chato

Melli tar n3assi, doukhan w kas ywassi

Ana li 3emt fog lmout bach ndir lojou2 syassi

Ana li nassi rassi, sme7t f nassi

Kifach ghanbni nebda wana fog remla sassi

Ana li ghadi 7areg ana 7fid Ibnu Battouta

Ana li 3chaya bared 7it 3chiri mat b bota

7okoma galet 3lina 7naya chabiba meskhouta

Skout w khoud rda, 3ich As f'blad sota

Ana li khwit lblad 7it kreht rou7i fiha

Ana li kreht l7ogra sme3t fiha belli fiha

Li t3elemtha f nhar b lil la drogue katm7iha

Ana li ba3tnli ljinssya 7it 3erfetni kanbghiha

3elmtni kifach n3ich west ddel

Kifach n3ich saket chedd l7ayt ntbe3 ddal

Ana ra lfim foust cinéma, kanchof w kanmettel

3chir lbar w Acima, khayf la nmout west zbel

Ana li seddo lya fommi fach dwit

Ana li tel9o 3lya lmekhzen fach nwit

3refti mnin jay l'fuite, fhemti fach dwit

Galo lya safi gha sir, nsana fach khwit[Outro]

Ana lmeghribi, ana lbidaoui

Ana chamali, ana sehraoui

Ana chel7, ana rifi

Ana lmeghribi