كنت بغني بقول ياحديد

آه، كنت بغني بقول يا حديد واخد إخواتنا بعيد

فجأة لقيت نفسي أبعد منهم، داخل سجن شديد

وأطلع للملكية وأقول للميري رافض تمام

وأعمل شغل مروحين، عنبر عنابيرو سلام

ماندو العالمي

قلت أتعامل باللي بشوفه، أصلي شفت كتير

قلت يا شدة شدي كمان وإديني درس كبير

علشان لما أتعامل بدروسك نشوف التغيير

وأوعدك إن أنا هطلع منك بشهادة تقدير

أنا كنت صافي النية، ليه بدأتوا بالمرازية؟

بس جميلكو عليا هرده والغلطة قصادها مية

ما هو بعدي كان كبير، في سنين عدت عليا

بس حاسبها من أولها كل القصة ديا

تغلط وأسيبك وبرضه عيبك إنك عامل فيها بيه

تغلط معايا وبقول كفاية، عارف تمامك إيه

أنا كنت هادي وقلت عادي، مش لازم أدوس عليه

شكلي أهم عندي من إني أتساوى بيه

عايش لحالي، شاري بالي، ماضي إسمي غياب

بس لقيت النكش جايلي لحد عند الباب

فتحت بابي قلتله يلا عمل إنسحاب

بس البيوت ليها حرمة ومش رجولة إنه يتساب

فجأة إتغدر بيا، قمت دخلت في دنيا تانية

دنيا تشيب شعرك وإنت لسه في الطفولية

طلعت محكمة، شفت أمي بتعيط ليا

ما عملتش حاجة، بس برضه إتحكم عليا[المقطع الثاني]

بس سيادتك عيب، ده جاي بنفسه لحد بيتي

هي البيوت ليها حرمة ولا بقت قديمة تربيتي؟

قولي إنت إتربيت على إيه عشان أعرف غلطتي

لا إتسمع كلامي ولا المحامي ونطق بمحاكمتي

أول ما الحكم بيتقال شوف مين هيبقى معاك

كله بيبقى فاكر إن آخرتك هناك

بس يا أخويا يا اللي سألت يحرم عليا أنساك

إنت في قلبي والله يا إبني، روحي فداك

سني صغير، شكلي إتغير، كبرت كتير، حرام

إمتى هقول ع الجرايا عيش وأقول ع الدورة حمام؟

وأطلع للملكية وأقول للميري رافض تمام

وأعمل شغل مروحين، عنبر عنابيرو سلام

عنبر كله يسمع

حتى الحديد يسمع

بس حتى وأنا في الضيقة برضه ما كانش عاجب

زقوا عليا ناس كتير عشان أقع وبحارب

وكل ست شهور بتخطر، حكم النفس غالب

غيروني، أجبروني إني أبقى مشاغب

قاعد بتشاكل وبشاكل وبقيت أشيل وبشيل

ما بقتش باقي ع الدنيا لو هيطلعوني قتيل

ما هو من الضغط عليا كتير، يستحملوا التحويل

وإتحولت خلاص وأوعدكم هتشوفوا مني الويل

ولا كاميرات ولا بصمات فارقة معايا، أنا مش هتلم

ما أنا إتظلمت معاكو، هعيش أدورها ظلم بظلم

إني أفتكر دمعة أمي، عايزني أعمل إيه يا عم؟

ولا أفتكر عمري يضيع؟ دي مش هتخلص دم[المقطع الرابع]

كنت بغني بقول يا حديد واخد إخواتنا بعيد

فجأة لقيت نفسي أبعد منهم، داخل سجن شديد

قاعد أفكر في الحكم اللي أنا واخده وحزني يزيد

ببص لقيتني وسط ناس كلها واخدين تأبيد

كل دي أحكام تتوزع كده على أي أساس؟

ضاع ياما عمر شباب رجالة، للدرجة ما فيش إحساس؟

دي الزنزانة مليانة آلوفات، إرحمنا، تعبنا خلاص

صرخة أم قصاد محكمة بتهز قلوب الناس