نام اللي نام وساب السهر

ما كنتش حويط ودي غلطتي

أنا إتأذيت في سكتي

دلوقتي هختار وحدتي

ما أنا إتأذيت

إنسان بائس، أنا منطفي

والحزن ضاعف موقفي

طيب يا نفسي تعرفي

أنا ليه حزين

بحزن عشان أنا بتكسر

جرحي عليا بينتصر

دمعي في خدي سايب أثر

تأثير سنين

شخص ضعيف فاقد الشغف

مسحوبة روحه بتتخطف

أفكاره جواه بتختلف

تايه أكيد

تايه ما نامش من القلق

أحلامه منه بتتسرق

عايش وبس ع الورق

لا مش سعيد[اللازمة]

نام اللي نام وساب السهر

للي بيسرح في القمر

في شريط حياته بيفتكر

والذكريات

ويعد كام نجمة في سما

والدنيا سودا مضلمة

في الماضي ذكرى مؤلمة

والحلم مات

مات من الوجع، قلبه إنكوى

طبيبه قاله ما فيش دوا

قلبك من الحزن إستوى

محتاج تفوق

محتاج تفوقلك حبتين

علشان عينيك بقوا دبلانين

بطل تفكر في السنين

وكفاية شوق

في علاقة شبه مهددة

يا نكون سوا يا تخلص كده

تفاصيلها بس ممهدة

للإنفصال

والإنفصال أريح كتير

أنا مش شايف من القصة خير

عكس طريقك أنا هسير

خدت القرار[المقطع الثالث]

روحي وليا ما ترجعيش

حبيتك، إنتي ما حبتيش

أنا عادي من غيرك هعيش

وأبعد بعيد

سبتيني أنا في وقت إحتياج

وأنا لأ مش تحت المزاج

بصي إنتي لو كنتي العلاج

فأنا مش مريض

بعدين يا عيني ما تنشفي

ما تخلي دمعك يختفي

إزعلي لكن ع الوفي

مش ع الرخيص

ويا نفسي بطلي تزعلي

زي ما عملوا إنتي إعملي

من غير نقاش ولا تسألي

ده كوكب خبيث

كوكب خبيث لا يؤتمن

دفعني من عمري التمن

غلطان، أمنت للزمن

ما كنتش حويط

ما كنتش حويط ودي غلطتي

أنا إتأذيت في سكتي

دلوقتي هختار وحدتي

ما أنا إتأذيت