مش مهتم

مش مهتم بيومي ولا ببكرة ولا بالساعة كام

ولا عارف إمبارح كان إيه ولا عارف الأيام

ههتم ليه؟ ده اللي أنا فيه

عمر ما حد في يوم بجد يحس بيه

كيمو الديب

مش مهتم أعرف إنكو بتحبوني كام في المية

مش مهتم بنومي ولا مظبط حالتي النفسية

مش مهتم بأكلي وشربي ولا باخد أدوية

مش مهتم بفوني ولا برد وعامل خاصية

متمهدة، باين كده

إني هموت أنا من الضغوط والفرهدة

والليل وأنا، وما فيش هنا

غير بس مر وصبر يجي ٢٠٠ سنة

مش مهتم بصحتي، بفضل إسبوع من غير نوم

حتى ولو يوم نمت، أنا ببقى بنام ساعتين وبقوم

بفضل أزود شربي وبأذي في نفسي بأي سموم

عيني ما بقتش تشوف من كتر البكا، مليانة غيوم

وإزاي هنام وأنا مش تمام؟

في لقطات من الذكريات زادت الآلام

تفكير كتير، أنا مش بخير

ومهدئات ومسكنات وأنا ع السرير[اللازمة: عصام صاصا]

مش مهتم بيومي ولا ببكرة ولا بالساعة كام

ولا عارف إمبارح كان إيه ولا عارف الأيام

بعمل نفسي إن أنا مبسوط وببان من برة تمام

لما أزعل بهرب من الواقع وأدخل أوضتي وأنام

المواعيد ما فيهاش جديد

الجرح زي الفرح يوم، الدمع عيد

ههتم ليه؟ ده اللي أنا فيه

عمر ما حد في يوم بجد يحس بيه

مش مهتم بحالتك علشان عارف إنها تكريت

ليه ههتم وأرد وتتصيت وأعملك صيت؟

ده إنت معلق صوري في أوضتك عندك جوة البيت

حلمك كان تتصور جنبي، فاكر ولا نسيت؟

في ستوريهات في طيارات

بيكرتوا ويتلتوا في كلام حالات

في الحك موس، عبدوا الفلوس

بيمحروا ويكتروا أحضان وبوس