Ya Bahr

زهقت المسافات زهقت الإبتسامات

زهقت المجاملات

من كل شي سلبني حياتي وبطّل إلي حياة

زهقت الخضار والوجوه وزهقت الدخان والوعود

زهقت من كل مرة بوقع بفكر إني في بيتي

بصفي برات الحدود

لساتني موجود محل ما كنت واقف على حيلي

بجميع حواسي بجاكر لحدي بليلي

مش راح أموت لو شارب سُمي بهيلي

قمرة وكلام فارس لسان برمح بخيلي

واقع في بير سري المرير

بس في الأخير ماسك طريق

موجود في سحاب عمقي المطير

مكتوب في جواب إني حاصير

فبماشي كلام مش منطقي

ولا منطقي إني ألتقي

طول عمري أنا ماشي بمبدئي

يا بحر ع أمواجك خذنا

وما تخلي فينا حدا

ملحك ذوَّب ملامحنا

ورملك بحضن بمداه

يا بحر ع أمواجك خذنا

وما تخلي فينا حدا

ملحك ذوَّب ملامحنا

ورملك بحضن بمداه

ما أحلا حيفا بس ما أبشعها

وكل الأغاني اللي كنا نسمعها

الطاقة السلبية اللي كنا نمنعها

وألف معنى معنا يمنعنا

كانت مشاعرنا تجمعنا

كانت طاقتنا ما تشبعنا

كان اختلافنا ما يشبهنا

والعالم ما يسعنا

نفسي راح

فكرت إني بيوم أرتاح

فكرت إنه في الدنيا أنصاف

كأنو يحكوا ما إلنا أشباه

رميت أحلام بنيت أمال

على أساس أنا مين قلبه مال

كان الإتجاه منك إلى

أغلى المعاني منزلة

كنا نرسم الإبتسامة ع وجهنا بإشي بسيط

كان الحلم نكتب قصة ما لهاش نهاية بالشريط

كانت إذا شعرة مرت ع رمشك أشيلها من قبلك

وإيدي ع إيديك وتحكي لي كيف بتعرف تفاصيلي

وقلبي هو اللي يجيب

يا بحر ع أمواجك خذنا

وما تخلي فينا حدا

ملحك ذوَّب ملامحنا

ورملك بحضن بمداه

يا بحر ع أمواجك خذنا

كنا إثنين بطريق عتمة ماشيين

حولنا ناس كثير

بيحكوا بس إحنا ما كنا سامعين

كنا عاشقين، كنا عاشقين

فينا من بعض، نفس الصراع

كنا فيه عايشين، بس مش غريب

بس مش غريب إني اصير

من قريب لغريب وإنت تحكي

متأسفة بس مافيش نصيب

وإنت تحكي

متأسفة ع كل شي دايقتك فيه

وإنت تحكي

إحنا مش لبعض

مافيش نصيب وإنت تحكي

مافيش نصيب، مافيش نصيب