Men Baadak

خلّينا نقعد بالشمس

بركي ما رجع النهار

و نخَبّي كل شي في ورد

بركي ما رجع آذار

انا و انتَ نعِدّ النجوم

شي إنو تبَيّن بالليل

بركي من دونَك ما عاد

مَيَّل على نجومي لَيل

ويمكن من دون عيونَك

يصير كبير علَيّي البيت

و ما إرجَع لاقي حَدا

يسمَعني كِلّ ما غَنّيت

و يمكن من بَعد عيونَك

ما إرجَع فِلّ من البيت

بركي ما حَبّني حدا

و بَركي ما رجِعِت حَبّيت

خَلّينا نِخفي العِنَب

بركي ما حِملت الكروم

و خَلّينا نِغْفى بالفَيْ

بركي ما بِقيتْ الغيوم

معقولة ما إرجَع حِبّ

ريحِة البَنّ المَطحون

و من دونَك ما تعود تِعنيلي

ريحة الأرض بكانون

يمكن من دون عيونَك

يصير كبير علَيّي البيت

و ما إرجَع لاقي حَدا

يسمَعني كِلّ ما غَنِّيت

و يمكن من بَعد عيونَك

أصلا ما فِل من البيت

بركي ما حَبّني حَدا

و بَركي ما رجِعِت حَبّيت

بَركي ما رجِعِت حَبّيت

بَركي ما، و بَركي ما بَركي ما رجِعِت

حَبّيت