اللي باعني مره بالسلامه

إنتم دلوقتي بتسمعوا على موقع مهرجانات دوت كوم

القسوة مفتاح الحياة، طب أحن ليه؟

بقى كله ناسي إيه عليه وفاكر اللي ليه

هيموتك اللي إنت كنت بتموت عليه

لأ مش هيبيعك غير اللي إنت هتشتريه

عازف أورج يوسف أوشا

الدنيا مالها بقت بتكره ضحكتي

أنا لو هموت حالف لأكمل سكتي

ده الكل بان على أصله، تسلم شدتي

ما لقيتش غير إيدي اللي تمسح دمعتي

اللي باعني مرة بالسلامة

كله جوة قلبي ساب علامة

ما فيش بجد داعي للملامة

إحساسنا إتبدل

يلا برة، غوروا من حياتي

مش هحب تاني من الليلة دي

تملي بشقى، أيوة مش فلاتي

على طول متبهدل

شايف سواد وعينيا قافلة ومش بشوف

أيام عايشها بنام وبصحى على الكيوف

ده أنا كنت طيب بس آه منها الظروف

بتحول الغلبان شيطان ما بقاش فيه خوف

البشر بجد غلبوني

عشتها بطيابة عذبوني

أما جيبي يفضى بيسيبوني

ويعاملوني ميري

الحياة معاندة فيا ليه؟

بحب ناس بتعشق الجنيه

عيشي ملحي كله داس عليه

دول ناكرين خيري

معمول حسابه في أي حتة وبالأصول

الواجهة يا إبني في أي حتة حسين دبور

إمبابة دولة وعمرها ما جابت فرفور

بشتيل بلدنا تحط حط على اللي يثور

ده الخلق لو قدرتهم هيقلوا بيك

والبت لو هتحبها هتعيش عليك

إوعاك تأمن للزمن وإفتح عينيك

فكر في نفسك، إنت مين هيفكر فيك؟

الخيانة جرحت القلوب

والنفوس بتعشق الذنوب

بيتكو من إزاز وترموا طوب

زمن العجايب

ماتت المحبة والأصول

والندالة خطفت العقول

وبرضه بتخونوني مهما أقول

إن إنتو حبايب

أول ما أحس إني إتخنقت بروح وأسيب

جرح الأحبة مالوش علاج ومالوش طبيب

على طول بعافر بس برضه ماليش نصيب

إذا كان صحاب، أو كان فلوس، أو كان حبيب

البنات كرهتهم بسببك

السواد بجد مالي قلبك

فاكرة لما قلتلك بحبك؟

كنت أنا بكدب

الفراق ده أحسن إتجاه

والحياة معاها مش حياة

راحت لغيري عشان معاه

وبكت وبيكسب

القسوة مفتاح الحياة، طب أحن ليه؟

بقى كله ناسي إيه عليه وفاكر اللي ليه

هيموتك اللي إنت كنت بتموت عليه

لأ مش هيبيعك غير اللي إنت هتشتريه

مش هحل فيكو أي واحد

هتشوفوني حد بس جاحد

أي حاجة حلوة فيا راحت

وبقيت شرير

حفرة بعد منها حفرة تانية

نفسي أشوفلي أي دنيا تانية

أنا من زمان يا ناس طالع عينيا

ما بقتش بخير

إمبابة من يومها دي ما جابتش هلاهيل

أرض الحمل من يومها معروفة بشتيل

ده حسين دبور من يومه حملة وإسمه تقيل

إصحى للخال عربي دبور، ده مالوش مثيل

رمضان دبور أبو حمو من يومه الأساس

أحمد دبور معروف تملي بحب الناس

كامبا أبو حنين من يومه كاتم ع الأنفاس

الجن والشواف وكاتشا وأجدع ناس

الغزال كريم كريستيانو

في المجال بطل واخد مكانه

يوسف أوشا بصمة مجاله

البابا في التوزيع

عبده روقة في الكلام ده جارح

القلم الجارح يا إبني إمبارح

مصطفى المصري، شريف غزالة

موقع مهرجانات بيذيع

إنتم دلوقتي بتسمعوا على موقع مهرجانات دوت كوم