حيطة سد

نبعد أحسن ما أنا وإنت بنعنَد

واصلين حيطة سد وقفلت

جربنا حلول القرب وما قدرناش

سلم، القلب سكت وإتألم

وعينينا اللي بتتكلم

بتقول إن إحنا القرب ما ريحناش

هنتجرأ ومن حكايتنا نتجرد

ده حال الدنيا بتفرق

ما بين حب في قلب إتنين

وحاولنا نمشي حياتنا كملنا

لقينا شعور بيقتلنا

وهو البُعد كان ساب مين

عدت فترات في حياتنا ومدت

كنا عليها بنتعود

وبنرجع تاني لنفس الإختلافات

سهلة، البُعد ده هيكون أحلى

وهنتعب حبة ونهدا

أحسن ما يكون الحل ما بينا سكات

هنتجرأ ومن حكايتنا نتجرد

ده حال الدنيا بتفرق

ما بين حب في قلب إتنين

وحاولنا نمشي حياتنا كملنا

لقينا شعور بيقتلنا

وهو البُعد كان ساب مين