المسباح

تلاقينا بلا موعد بعد سرّ الجفا ما باح

وجاني في عيونه شوق وبيمناه مسباحه

وقفت وكل ما فيني رجف صحى بقلبي جراح

يظنون إنه يسلم وأظن يتفقد جراحه

حكى مدري وش يقول ابتلشت بدمع هل وطاح

أصد مرة ومرات أتصنع ضحكة الراحة

حكى مدري وش يقول ابتلشت بدمع هل وطاح

أصد مرة ومرات أتصنع ضحكة الراحة

يقول الوقت من دونك يمر كن الثواني رماح

وقلت الله يجيرك ما عرفت الوقت ورماحه

أنا اللي من سبايب صدمتك هليت ليل وساح

على وجهي علامات الفراق الحيل فضاحة

ياليت لغيبتك عذرٍ ولو تافه عشان أرتاح

ولكنك حرمت القلب وهو ما ذاق تفاحه

ياليت لغيبتك عذرٍ ولو تافه عشان أرتاح

ولكنك حرمت القلب وهو ما ذاق تفاحه

آه بكيتك لين مديت الفراق اللي بعينك لاح

وأكيد إنك تعرف إش كثر أنا أفهم ولمّاحه

وراك الباب وتدله وراك الباب والمفتاح

وبعد وياك خذ قلبي وخذ بابه ومفتاحه

وراح ويده تلوّح سنيني بعقدة المسباح

ياليت إني قبل يمشي بإيده خذت مسباحه

وراح ويده تلوّح سنيني بعقدة المسباح

ياليت إني قبل يمشي من إيده خذت مسباحه