صاحبي راح

في لحظة واحدة صاحبي راح

ببص جنبي مش لاقيه

ده كان شريكي في النجاح

وكنت بتسند عليه

لكن زميلي مهما راح

ده جوة قلبي، مش ناسيه

وهفضل فاكره

صحيت قالولي إنه مات

فقلت شكلي لسه نايم

ده حلم ولا إشاعات؟

قاعد تايه، يا ريتني فاهم

لما لقيت في إثباتات

بقيت في بحر دموعي عايم

لما لقيته في كفنه

سلام يا غالي بالوداع

واحشني من أول دقيقة

آه بعدك إنت عمري ضاع

حتى الحياة بقت خنيقة

عليك أكيد قلبي إتوجع

أنا إتكسرت، دي الحقيقة

هعيش لمين بعدك؟[اللازمة]

أصعب لحظة عدت عليا

وأنا شايل نعشك بإيدي

ما حدش حس باللي فيا

الحزن سكن في وريدي

أنا عملت بالوصية

يا صاحبي أنا آخر حد مشي

كنت قاعد جنبك

عاشها جدع وسابها راجل

غلبان، ما شافش من الحياة

ده كان بيقف في المشاكل

معايا على أي إتجاه

بدل ما أكون واقف في فرحه

بقيت واقف باخد عزاه

يا وجع قلبي عليك

الضحكة ما فرقتش وشك

طول ما إنت عايش وإنت ميت

كل اللي شافك مرة حبك

حتى جنزتك اللي تثبت

ربنا يرحمك ويسامحك

يا ريت تكون دعوتي وصلت

إنت يا أخويا في قلبي[المقطع الرابع]

بيتك أمانة في رقبتي

وصتني أكون هناك مكانك

أبوك أبويا وأمك أمي

أخوك أخويا، ده كلامك

في تربتك إرتاح يا صاحبي

رقبتي سدادة في غيابك

بس هتوحشني

يا موت آخدت روحي مني

وأصعب شيء هو الفراق

أخويا في ثانية واحدة سابني

وده ما كانش الإتفاق

قالي بكرة تعالى زورني

ما كانش ضامن البقاء

وكان بيودعني

وكان بيودعني