Lazem Ghayer Nizam

الاخرون هم الجحيم

يومية ذات الوجوه

ذات الاشيا

بتوعى. بتتحمم

تتحمم من كذب المجتمع اللي معلق عليك

ضجيج، غيرة، عجقة سيارات.

ذات الاخبار معارضة، موالاة،

بتموت وبتعيش مية مرة

وما حدا مهتملك

كل انسان عايش بجحيمو

كل انسان عمبيدور بمأساتو

مفتكر معو الحق

الغلط عم يزيد. عم يزيد

وانت حامل السلم بالعرض.

برج العقرب صار

بمدار التنك

عم بدور الكون

بعكس الفلك

ورجال الحديد

قلدوا الملك

عايش بالروتين

بشقة زغيري

عصفور وسجين

البناية كبيري

وعم بتدور الارض

بدوامة كبيري

من بعيد الاشيا

بنشوفا اجمل

الانظمة والناس

والحب الاول

لم بتصير قريب

كل شيء بيتبدل

مكتوبة الرشوي

بفنجان القهوي

القبضة من المجهول

قصيدة حلوي

والمدير انسان

والمال بيغوي

انا مش قادر غيّر وضعي

ما عندي قوة تغير

عم بتهدم وحدي وساكت

صار في حقد وذل كثير

فوضى جنون وليش انا وحدي

بدي امشي ع النظام

يمكن حتى غير وضعي

لازم غير النظام

انا مش قادر غيّر وضعي

ما عندي قوة تغير

عم بتهدم وحدي وساكت

صار في حقد وذل كثير

فوضى جنون وليش انا وحدي

بدي امشي ع النظام

يمكن حتى غير وضعي

لازم غير النظام

يمكن الخلل

نابع من شعبي

كل شي بيتظبط

ولا شغلي صعبة

حاجب ونايب

وبتدور اللعبة

سياسة المال

شو فيك تقلا

خلايف مِلل

طوائف الله

هدموا الاديان

هجرّوا الله

يا ريت بتتغير مرة

هالدورة الكونية

ولعبة الانظمة الحرة

ترجع انسانية

روتين النظام بيقتل

انت بسجنو محبوس

بالسجن بتنتحر مرة

انتحر بالحرية

انا شعبي وحامل همومو

نازل صوب الانكسار

مهما تصرخ ما بيقومو

الصرخة بقوة انفجار

ليش الانظمة بتقرر

شغلك نوك وموتك

قرر نظامك لحالك

وعي فيك الاختيار

انا شعبي وحامل همومو

نازل صوب الانكسار

مهما تصرخ ما بيقومو

الصرخة بقوة انفجار

ليش الانظمة بتقرر

شغلك نوك وموتك

قرر نظامك لحالك

وعي فيك الاختيار

هالعالم لوين رايح

ولك اصبروا عا بعضكم

الكل مستعجل

كل واحد بدو حالو

ما حدا بيشعر مع التاني

ما بقا في مروة

ضغط، بشاعة فلتان

ما عاد في روابط وقيم

انكسرت الصداقة

كل شي صار محلل

الاستغلال الغش بس تغتني بسرعة

ومع هيدا وكلو الفقر راح ياكل الناس

البلد صار اغنيا وفقرا

يا صبي قديش بدك تعاند

وصلت ع نقطة اللاعودة

يا بتنتحر يا بتهاجر

يا بتفوت باللعبة

فتش ع خلاصك

انا مش قادر غيّر وضعي

ما عندي قوة تغير

عم بتهدم وحدي وساكت

صار في حقد وذل كثير

فوضى جنون وليش انا وحدي

بدي امشي ع النظام

يمكن حتى غير وضعي

لازم غير النظام