تستحق الانتظار

يا وجودي كل ما مريت يالظبي العفر

وجد من راحت حياته من مطار إلى مطار

وجد من راحت حياته من مطار إلى مطار

يوم شفتك تبتسم لي لابس اللبس الحمر

انفلت قلبي من ضلوعي وخلاني وطار

أوف يالبيه وشذا الزين جعل ابرك شهر

أنت شئً كل ما شفته شعرت بالانبهار

أنت شئً كل ما شفته شعرت بالانبهار

ما بعد عينك عيون وما بعد ثغرك ثغر

الملامح يا مشاء الله كان والبسمه دمار

في عيوني والله أنك أحلى وأرق من القمر

أنت وجهك يخطف الأنظار حتى فالنهار

وفيك شي من السحاب وفيك شي من المطر

وفيك شي من المهاه وفيك من شي المهار

وفيك شي من المهاه وفيك من شي المهار

معك يا زين السوالف والأغاني والشعر

واغنيه من كاظم الساهر وشاعرها نزار

فاقدك ماعاد جاني منك يا غايب خبر

مثل فقد الأمن والأمان داخل قندهار

مثل فقد الأمن والأمان داخل قندهار

مر واهزمني بعينك واعتبرني منتصر

الهزيمه فالهوى دايم بطعم الإنتصار

اخط في حقي على كيفك ورح لا تعتذر

وجهك يخليني أسامحك من دون إعتذار

المفارق حربة توجع وكسر فالظهر

كنت خايف من فراقك وكتبه ربي وصار

إيه ابجلس وانتظر وابنتظر وابنتظر

أنت حاجه يا حبيبي تستحق الإنتظار

أنت حاجه يا حبيبي تستحق الإنتظار

وين أروح وكيف ابنسى واستريح من السهر

دوروا لي قلب ثاني ما يحب ولا يغار

دوروا لي قلب ثاني ما يحب ولا يغار

سكروا باب الحسايف وافتحوا باب الصبر

من بعد طول الهجر محتاج لي رد اعتبار