من فضل الاخصام خفو التخطير ( انا مش ع الدواق )

(حصرياً على موقع مهرجانات دوت كوم)

(كيمو الديب)

من فضل الأخصام

خفوا التخطير، خفوا الإجرام

عشان إللي بقينا بنشوفه ده حرام

كلها أبطال، كلها أهرام

كام جرو صغنون

عايشينلي في دور وادي النطرون

أيها السادة المنحرفون

ما تجوش على سكتي ده أنا مجنون

إخلعوا قد حضر المزعج

كلها وقتي هتتبنج

جايين بتعيشوا دور الأبطال

ناسيين إني أنا المخرج

لو هتشغلوا في دماغكو

أنا ع الدُغري هدغدغكو

قُلتلكو بلاش تتحطوا معايا من الأول

يا إبني عشانكو

انا مش ع الدواق

عشان أنا طول عمري عليكو حراق

هفضل راعب كل الأعداء

أخصامي دي أحصنة، هلس بتتساق

حقك مني تشيط

عشان أنا سمَّعت وخدت السيط

في وجودي كلها قعدت في البيت

سيطرت على الساحة، إحتليت[المقطع الثاني]

مين ليه الهوا مني؟ تعالوا

قبلوا ولا هتتداروا؟

كل إللي إتحطوا معايا قبلكو

ع الدُغري إتداسوا وإتهانوا

دي عيال شنشة وهرّاية

ولا كلوا ولا شربوا معايا

هيموتوا وأرد عليهم

أصل أنا ردي لوحده دعاية

خمسة هدوء بالعقل

بدل ما أشحنكو على نص نقل

محسوبكم أنا مش جاي في حل

هتبقى سواد ع الكل وخل

إنتو وقعتوا في وحش

هتتخطروا تتحطوا في نعش

يابا ده أنا لو ع الخوف يابا ما بخافش

ولو فيها موتي دي أنا ما برجعش

قبل ما تنكشني سألت؟

ولا على عماك غفلت؟

إسمع مني أنا يوم ما هقابلك

هتسف تراب الأرض

لو دارت العركة هتزعل

عايزك على رزقك تتقل

مشكلتك إنك جيت مع حرز حيازة

من غير ما تسأل[اللازمة]

عيال لسه جديدة لوكس

وكلها نفسها تركب بوكس

جوة خطر على أيها هلس

عشان جوة الرجالة بتطُس

يا أسطى ما تتمسجنش

عشان على أمك ما أتحولش

رزمن قدامي وما تمثلش

بدل ما أسيب توقيعي ع الوش

أنا بكسر أي قواعد

أنا فاقد وقلبي قاعد

وبطولي هسد معاكو وأسندل

من غير أي مساعد

هلعب وياكو وأتنطط

من غير ولا موس ولا مشرط

ربنا ما يوريكوا قلبة عيني

لما أتعصب وأتعفرت

لو فهمان بتحس

الكروان صاصا ده واحد بس

كانس الساحة يا صاحبي دي كنس

ده نمبر ون والباقي هلس

وسع للحراق

كلمات سوستا في كل الأنحاء

كيمو الديب ده لعيب

توزيع مظبوط وبأعلى أداء

كلها على قد الإيد

قدام أبو طه ومعاذ وليد

مسا للمافيا غزالة والمصري

ده مهرجانات ده تريند أكيد

(حصرياً على موقع مهرجانات دوت كوم)