Mn De'ty

مستني اللحظة اللي هقول فيها خلاص أنا فوقت

كتر التفكير كان فادني بإيه غير إني تعبت

وسواء كان كده أو كده كله بيتنسي بالوقت

في الدنيا أنا شفت بعيني اللي ما شافهوش ولا حد

كان فيه أسئلة جوايا ولا ليها جواب ولا رد

من ضمنها ليه ما بقاش في حد يحب بجد

بيا ومن غيري هتمشي فرحت أنا ولا بكيت

مين فاكر ليا إن أنا ضحيت وكتير إديت

والله أنا منسي خلاص زي ما حبيت ونسيت

بيا ومن غيري هتمشي فرحت أنا ولا بكيت

مين فاكر ليا إن أنا ضحيت وكتير إديت

والله أنا منسي خلاص زي ما حبيت ونسيت

ما ضحكتش يوم على نفسي وقلت كلام مش فيا

ولا يوم فكرت أتمنى حاجات أصلاً مش ليا

من وجهة نظري الدنيا دي فعلاً جاية عليا

مشكلتي إن أنا عايش بس ده مش زمني ووقتي

وفي قلبي حاجات تعباني وهم كبير فوق طاقتي

وسامحني يا ربي كلامي ده كان إحساس من ضيقتي

بيا ومن غيري هتمشي فرحت أنا ولا بكيت

مين فاكر ليا إن أنا ضحيت وكتير إديت

والله أنا منسي خلاص زي ما حبيت ونسيت

بيا ومن غيري هتمشي فرحت أنا ولا بكيت

مين فاكر ليا إن أنا ضحيت وكتير إديت

والله أنا منسي خلاص زي ما حبيت ونسيت