Sekke-ye Shomal

عيني يا ليلي يا ليل يا ليلي يا ليل يا ليلي ليلي

يا عين يا ليلي يا ليل يا ليلي يا ليل يا ليلي ليلي

يا ليل يا عيني يا ليل يا ليلي يا ليل يا ليلي ليلي

يا ليل يا عيني يا ليل يا ليلي يا ليل يا ليلي ليلي

عازف أورج يوسف أوشا

سكة شمال والسبع مال والدنيا مقلوبة

عيل كبر وكبير صغر والقسوة مطلوبة

آخر السكوت جبروت يا موت وهروح في غيبوبة

وبجد عيب تفضل تعيب وإنت إبن معيوبة

خلاص خلصنا، المركب اللي تودي برضه تجيب

كوكب مكركب، مخي سيكب، رد فعلي عجيب

بالقلب وإحذر ترمي هلب، الكلب عينه ع الجيب

إحنا في زمن ولا يتآمن، حتى الصحاب بتخيب

لافت النظر، ولا بعتذر، بغلط فيهم عادي

ما لهمش سعر، أشكال تعر، بتوع مامي ودادي

تلقيح وندب وبلقى كدب، بيطبلوا قصادي

خوفهم عليا كان تمثيلة، كشحتها المرة دي

آسف يا نفسي، أنا كنت نفسي إني أبسطك مرة

ما كانش نفسي ألاقي نفسي في سحلة ومغامرة

معايا معيش بمشي بعيش، فاقد ورا الكاميرا

أما إنتو بس فلوس ولبس، هعمل عليكو نمرة

أولها لفة وآخرها لفة وعمر بيعدي

جيت بعد غيري زي أما غيري هيجي من بعدي

والنية خير ولعله خير، دايمًا ماشيها ودي

إضربني طلقة أهون ما تبقى في يوم واقف ضدي

بلاش نصايح، كله رايح، بسهر وما بنامشي

عايش بكيفي وبقيت مخيف، بسكت ما بتكلمشي

قدرت إقدر، إوعى تغدر، دي الحياة ما بتدومشي

إرضى بنصيبك واللي يصيبك، ربك ما يظلمشي

من غير غرور، هتزيط تغور، بسلك مع السالك

الحب قل والكل مل، إحساسي متهالك

قسمة ونصيب، بس إنت سيب الملك للمالك

بقول زميلي تنكر جميلي، ما تفوقلها يا خايب

ما لقيتش حد في شدة سد والحظ ما لعبشي

عالم غبية مش حاسة بيا، عايزني ما أطلبشي

أنا حتى غيري عايش في خيري وعايزني ما أكسبشي

الرزق ع الرازق يا صاحبي، مين فينا ما تعبشي؟