كل ليله دموع ( بتشاف اني ضعيف مانا حبيتك )

حصريًا على موقع مهرجانات دوت كوم

كيمو الديب

تعبان، من اللي بشوفه بقيت خايف

من دمع عيني أنا مش شايف

وبقول لنفسي كتير آسف، أصلي شكيت فيها

زعلان، من جوة مني أنا فاض بيا

صبرت فوق صبري شوية

الحزن ليه متبت فيا؟ ضحكتي أنا ناسيها

مخنوق، قدام مرايتي وبسألني

أنا ليه ما فيش غيري فاهمني؟

بقعد معايا وأكلمني ع اللي حاصل ليا

بتأثر أنا لما بحكيلي حكاياتي

بتزيد دموعي أنا وآهاتي

وحزين وكل ستوريهاتي جرح مع قاسية

مجروح والجرح أكبر من العادي

شكلي هموت المرة دي

باللي أنا فيه لأ مش راضي، أصلي ما أستاهلوش

غلبان، ممنوع نهائي من الفرحة

والسكة ضلمة ومش واضحة

أفكاري لأ مش متصالحة، أيوة ما تفهموش[المقطع الرابع: عصام صاصا]

يا حياتي، ليه كل حاجة مش في مكانها؟

ليه الدنيا بتسد بيبانها؟

ليه نفسي بتزيد أحزانها؟ نفسي ألاقي البر

واليوم دايمًا تقيل، مش بيعدي

ودموعي دايمًا على خدي

أفكاري ليه طب تتشدي للغلط والشر؟

معقول كسرتي أنا تجيلي من صاحبي

اللي آكل معايا في طبقي

اللي كان أقرب من قلبي هو اللي آذاني

طب ليه؟ ده أنا كنت أموت علشان خاطره

ضحيت كتير أنا من أجله

إديته أكبر من حجمه، بس هبقى أناني

كان مين فيكم في يوم كان شال همي؟

يا أفاعي بتمص في دمي

لو تبلعي الريق تتسمي، ما إنتو أخطر سم

السم دقته عشان كنت معاكو

هو إنتو إيه من جواكو؟

كنت ناقص أترجاكو، بس ما فيكوش دم

ما تجيش وما ترجعيش، أنا مش ليكي

الكدب كله لقيته فيكي

إمسحي خدك وعينيك، دي دموعك تمثيل

كدابة والعيشة جنبك مؤذية

بتحبي نفسك، أنانية

مش نافعة حتى لتسلية، دمك إنتي تقيل[المقطع الثامن: عصام صاصا]

بتشاف إني ضعيف، ما أنا حبيتك

وعشان بجد إستنيتك

دمرتيني، يخرب بيتك، آه كرهت الحب

الحب أصلاً خسارة في أمثالك

شفتيني سهل عشان سالك

مع إن قلبي ياما إدالك وإنتي ما فيكيش قلب

يا دموع، أنا وإنتي بس، ما فيش تالت

ولنفسي كل حاجة إتقالت

ما أنا ليه هروح أشكي لواحد أسمع أنا معلش؟

معلش، الكلمة دي بتعصبني

زادت الجراح وبتتعبني

عشان كده لوحدي سايبني، لأ، ما بتكلمش

ويا ليل، ما بلاش تطول وحياتي

أنا فيك براجع غلطاتي

واصل نهاية إحباطي، كل ليلة دموع

وعيوني مش عايزة تنشف من فترة

مش مفهومة حالتي وخطرة

رحت كتير أنا لدكاترة، صعبوا الموضوع