الفلوس وسيله مش اصيله

ولما عكيناهم في كارنا بعتولنا كام مرشد يصورنا

الحبسة ما بتموتش وإخواتك ما بتعتمدش

ياو، أمجد الچوكر

إجري، إجري، برطع، هنا تتقطع

لو جيت على سكة في يوم

مش بتخن صوتك، ناوي على موتك

هتاخد ضربة مش هتقوم

إنت هلس عندك، بسأل عنك

قالوا هتية مالوهش لزوم

مش فاكر حروفك، علشان أشوفك

محتاج أعملك زوم

دولة فيصل بلدنا ع السليم

إصحولنا، ده إحنا من شارع سليم

على كينج بلده فكها يا كريم

بسام حسين عم الجيهة

أتخن تخين هيجي يجسه

يتقل منه، يكسر نفسه

مين حمل مطوة أحمد حسو؟

تكرف هتتقطع بيها

آه من الزمايل، بقوا ع المايل

ما بقتش بشوف سندال

الصحاب ليه خابوا؟ بقوا يتجابوا

من نمرة واحدة شمال

إخص ع الإخوة، ده إنت وهو

فخدتوا اللي بيتقال

مش شايف رجولة، ناس هلهولة

هلافيت ولا خبطوا يا خال[المقطع الثاني: مصطفى الجن]

عيب لما تبقى صاحبي الأنتيم

وتبيعني يا أسطى وتراضي الحريم

ده أنا ياض مشيت معاك على السليم

ليه العدل مش جي معاك؟

أنا عارف إن صاحبة الرموش

علشانها وقتي يتحارب جيوش

أبيض عليك وورد الوردوش

نضارتي ع الدغري ما شايفاك

ليا أخ غايب، لكن سايب

في القلب عذاب وجراح

بعد حبس أخويا تهت يا أبويا

أصل النص التاني راح

غصب عنه، رحلة، مسيرها هتحلى

أيام ويكون موجود

يا رب فك ضيقته ويجي منطقته

أنا بدعي الشق يعود

إزاي هكمل السنين وأعيش

وأنا أخويا تحت قبضة الشاويش

عفوا سيادتك، أنا غيره ماليش

أنا بعد أخويا عايش في عذاب

المرشدين دولت مش جدعان

دول محطوطين في لايحة نسوان

سهلة وبسيطة، عادي يا سجان

فترة ومسيره يتفتح الباب[اللازمة: مجدي الزهار]

الفلوس وسيلة ومش أصيلة

ولا يوم بتعلي جعان

شبعوا بعد جوع، ده الموضوع

أجدعهم كان متهان

الله يرحم أمك، يا أخي بص أمك

لو تكرف على جدعان

هي مش بقرشك، خد على وشك

الـ Money ما خبطش يا مان

ما تجيش مع اللي ياض عارف ماضيك

أنا بالأخص من الآخر قاريك

أنا عمري يا إبني ما أتشرف بيك

إنت اللي شبهك ما بشوفوش

ما تعيش بس دور المظبوط

وإنت إبن قارحة، هتية وقرموط

قدامي هوس، تلزم السكوت

إصحى، الكلام ده ما بعتمدوش

كله تحت بيته واخد صيته

ع البايظ والشفاف

في الخمسة متر حملة وبرة نملة

بيجيب على ورا ويخاف

ع الحالات عتاولة، والله عولة

ولا حد فيهم يتشاف

كدابين وخيش وعلى ما فيش

هلس، آخرهم كشاف[المقطع الخامس: مصطفى الجن]

مين فيكو قلبه جايبه قال أنا؟

وأنا أخش في اللي جابه كام سنة

أنا نفسي أشوف لحد جدعنة

ولا إنتو جايين في ستوريهات؟

أنا Face to face فلقت وشكو

شفتكو صدفة وقتي هنتكو

قولوا للي ياض مقوي قلبكو

إن الكلام هنا على جنايات

بسام حسين في رحلة بس جي

لحظة خروجه فيها ضرب حي

ع الصبر خمسة إتكوا يا بي

بكرة الأسد راجع ليكو

محمد حسين أخونا الكبير

علمنا معنى كلمة تقدير

خصمتوا حسو تمسكوا السرير

أحمد حسو يقوم بيكو

ركز عشان ما بنعيدش كلامنا

تترن يوم ما تخطأ قدامنا

المافيا يعني عادل كشتنا

ده بوابة عزبة جبريل

المرشدين مرصصين طابور

بيودوا صوت وصورة للنسور

كده كده جي فرج زرزور

ما بقاش فاضل إلا القليل

سكينته مش هفية، دي مسنونة

ضربتها بنت جاحدة وملعونة

جرب تحط نفسك مع سونا

في Minute هتتسكن إنعاش

يا زميلي طول ما في بقاء في العمر

مش هنعتمد ولله الأمر

ممنوع تزاولوا في أحمد النمر

إفتكروا إن أنا قلت بلاش

جن البلد رقم واحد يا كار

إصحوا، اللي جي مجدي الزهار

يا إبني الچوكر ده توزيعته دمار

شركة حبيشة برودكشن فوق