في يوم فراقك

في يوم فراقك قلبي حس إنه إضرب برصاص

يا عشق عمري إزاي قدرتي تقولي سبني خلاص

متأذيش حد عشان بجد القوة مش بتدوم

دايماً خليك ستر وغطا بلاش شماته ولوم

كل اللي باعني وقال فرقني مش هزعل عليه

لازم يتخان ما هو خان زمان بكرة الحياة توريه

هيجيله يوم يشرب هموم ويلقى كله نسيه

الدنيا دي سلف ودين أما أنت فاهم إيه

(كيمو الديب)

هنسى اللي راح وأرمي الجراح وهبقى حد جديد

مش هحن تاني هكون أناني هقضي عمري وحيد

قلبي هقسيه وهدوس عليه أصل الجراح بتزيد

بقيت إنسان زي الشيطان دفنت قلبي بعيد

عالم رخيص كوكب خسيس ولا حد يستاهل

نص الصحاب بقت أغراب بيبيعوا بالساهل

ولا في إتصال نسيوا السؤال بقى كلوا يتجاهل

في الدنيا ضيعت ياما إتلدعت أنا فالغرام جاهل

أرض الجدعان يعني التعاون مملكة الأبطال

وحيد الألماني هو الرياسة معروف راجل سندال

صابر الجن زعيم القارة ما بيشغلوش المال

أدهم جلال وحش الجيهه كل صحابه تقال

ف الحزن بسرح كلوا يفرح ليه ما عدا أنا

أنا وقت فات، أنا ذكريات وعشرة كام سنة

عايش مجروح وفاقد الروح وعقلي مش هنا

حب الفلوس قلب النفوس وداسوا عالجدعنه

في يوم فراقك قلبي حس إنه إضرب برصاص

يا عشق عمري إزاي قدرتي تقولي سبني خلاص

فوتيني ميت في الجراح وببكي ويا الكاس

أصل أنتي خاينه وبتبعيني ومعدومة الإحساس

فالشده بانوا زمايلي خانوا إوعاك تقول اخوات

لو حد سألكوا فين زميلكوا تردوا وتقولوا مات

جهزت نار، أنا ليا طار،وحقي عمره ما بات

غمضت عيني وهبقى قاسي وهخلص الحسابات

لما إتكسرت يا ناس فجرت مشيت ف سكه حرام

خمره ورزيله خناقات كتيره وعيشت ف الإجرام

فاقد الشعور صابني الغرور بستقوى عالايام

ماشي بcutter أصل في خطر وبلف في الإقسام

أنا مش هلوم هيجي اليوم اللي أنا في هجيبكوا

حبل المشنقه لازم يلف حواليين رقبتكوا

هتبقوا كلاب ومن العذاب تتمنوا أموتكوا

هتشوفوا غل ومش هحل هتكرهوا حياتكوا

من يوم ما جينا الدنيا دي والحظ غايب ليه

دايماً بنتعب فالحياة ما هو أصل أبونا مش بيه

من صغرنا بنشقى عشان منستلفش جنيه

في أو مفيش متعودين والفقر خدنا عليه

ناسي الأحباب عاشق الغياب بغرق مع الدخان

معرفش مالي عايش في بالي مديش حد أمان

غامض مجهول عالأرض غول بقى العراك إدمان

مسدس صوت قرب يموت ولسه بردو جبان

راجل ف غفله مراته سافله سايبها بخيالها

جامده وغازيه مقرطساه بتخونه مع جارها

بتجيب في غيره يزور سريره لما تقيد نارها

لو يوم فارقها تجيب عشقها ينام في أحضانها

داين تدان ما هو من زمان طبع الخاينة حاله

ده ذنب ناس وخلصوا ناس من شر أعماله

ماهو ياما خان ولمه اتخان خنيت أم عياله

أيها غدار هيدوق مرار أفعاله رجعاله

الحال ده داير ليه تعاير حد غلط يوم

ممكن ف لحظه الدنيا تقسى وتبقى وسط هموم

متأذيش حد عشان بجد القوة مش بتدوم

دايماً خليك ستر وغطا بلاش شماته ولا لوم

أرض التعاون، أرض الموت في الحرب متجليش

فرسان أشباح خط الرعب بسلاح عليها متجيش

واحد الألماني يا عم العالم خصمك مش هيعيش

معروف برجولته هو الزعيم مين بيزيد مطاريش

عايشين بنغامر بحور جراءه وعملنا ألف حريق

شبح من يومه عايش بفخامه ده محمد توفيق

معروف بالحب رجولة الكوكب يعارك ألف فريق

أحمد حسن هو الزعامة مطروش وقلبه جرئ

بيعيش بشجاعة وسط البشر وراجل ابن حلال

أنت الرجوليه مافيا مجاله يعني أدهم جلال

وزير الجدعنه صابر الجن تزاوله تموت في الحال

مرعب أخصامه القلب الميت ثابت في أي مكان

خافيين وجودكوا وفي أي مكان فرقتنا عصابة

صاحب صاحبه بيخاف عليه محمد خرابة

باعتين رسالة لكل رجولة أصحولنا وفوق يلا

أرض التعاون خط الموت على الخصم نتغابى

بابا الإحساس ده عصام صاصا في مجاله الكروان

شبح المزيكا كيمو الديب مزيكته عامله جنان

وعبده روقه القلم الجارح كلامه يابا جنان

King الإداره ده يعني أبو طه في التخطيط فنان

وحوش الميديا ملوك الترند الموس وغزالة

معاذ وليد لوجو الرعب صورته في أي حالة

صابر مجدي ده أخويا الشق ده البابا يا زمالة

وحش الإنستا محمد بوده في الخدمة قتاله