جرس الانذار ضرب

قوي، روح يا عجين مستوي

قلبك قاسي وقوي

عليا ليه يا غزالة؟

الخصم مني تملي مخفش

ماسك حبيبته وفيها بقفش

قلتله لف وهو ما لفش

فغصب عني إديته طريحة

ماندو العالمي

ترب، جرس الإنذار ضرب

شارع الأخصام خرب

حان وقت المعارك

أسد، طلقتي خرمة الجسد

أنا من يومي بتحسد

الطيخا جاي يتعارك

Shut up، عقد الموت إنكتب

تصيع يطلعلك أتب

وما ينفعش مرمة

شرس، مني لازم تحترس

أنا مش شايف فارس

صحي الناس والأمة

السكاكين عندنا مسنونة

مهيبرين وولاد مجنونة

إحدفلي فرد من البلكونة

الليلة لازم تبقى خراب

لا هروح مارينا ولا حتى مراسي

قلبي الحنين هقلبه قاسي

ما فيش لا صيف ولا حتى كراسي

أنا مش هعمل ليكو حساب[اللازمة]

قمر، وإنت مسلم نمر

بعلف فيك ولا طمر

إنت عيل غدودي

بكت، أنا بتكلم سكت

محفظتي إتفرتكت

إنت فاكرني سعودي؟

Loser، إوعى تصيع يا Brother

لما تشوف Your father

يبقى تقوله يا بابا

Fucker، مش جايب على دكر

لو تنسى هتفتكر

يا اللي ظبطوك في خرابة

جوة الجيهة طلقات بتثور

ممنوع دخول أيها عصفور

ولا حدايات ولا حتى نسور

إصحى لحمل بولاق الدكرور

محمد خالد كينج الجيهة

أخصامنا هنا قاطعين رجليها

دولة بولاق يسلم معاليها

مجالها يقلق أي نسور

قوي، روح يا عجين مستوي

قلبك قاسي وقوي

عليا ليه يا غزالة؟

عفي، نجم، أنا مش مختفي

وإنتي معايا تنضفي

ولا ما شفتيش رجالة؟

وجع، رحنا بحيرة البجع

ونزلنا المنتجع

وإديتني جلسة مساچ

حفيت، جت سقعانة وإدفت

والأنوار إتطفت

وقع منها المكياچ[المقطع الثالث]

الخصم مني تملي مخفش

ماسك حبيبته وفيها بقفش

قلتله لف وهو ما لفش

فغصب عني إديته طريحة

عاملي زورو، لابسلي قناعه

خليته تيس وقطعت دراعه

عمال بيصرخ من أوجاعه

راح العيادة ركب شريحة

علب، مددوا بقى ع الكنب

يا اللي بتفقع ذونب

يا مرشد وأمك عارفة

لبط، بس في وشه إتخبط

كان لازم يتظبط

ده آخد الحق حرفة

عمى، دخل الحجز إترمى

زود في المرهمة

وبرضه حطوا عليه

جلب، دي عيال رافعين علب

قاعدين تحت الطلب

في عرض نص جنيه

ما ليش صحاب، صحبتي ضرتني

بسند زميلي كان هيموتني

ولا شفت بت في يوم حبتني

بيحبوني علشان كاشاتي

ضاع الحنان والوش الضاحك

حاولي إتصال في الوقت اللاحق

لما نجحت النجاح الصاحب

كل الأخصام صبحوا إخواتي[الخاتمة]

فـ-فـ-في القاهرة بنادوا بسرعة

معلمين، مش عالم خرعة

إصحى لجبابرة شارع الترعة

ولو نسيت إسأل الوالد

كينج الدول والجيهات الآخرى

إبن الأصول والناس الفخرة

هتزاوله تبقى معاك الآخرة

كينج بولاق ده محمد خالد

أحمد خالد الإكسلانس

وفي المعاملة فخم وبرنس

هنا الرجولة والقوة توينز

بولاق الدكرور الأبطال

وقت غيابه دمعت العين

ده إسمه وحده يساوي ملايين

يفك ضيقة حمو إسماعيل

باكت عليه حتى الأشبال

خالد توكتوك أسد القارة

إسمك مسمع جوة وبرة

تحيا بولاق قوية وحرة

طول عمرها أرض السيطرة

هنقول البطلي، يعني الزعامة

في أي وش سايب علامة

إحنا الدنيا نسألها ياما

كله مننا بيجيب على ورا

عبد الله دولي، الباقي محلي

لا يوم يخاف ولا عمره يجلي

ده هنا الحرب بالتسعة ملي

ما فيش هنا سكاكين وخناجر

ده سمير صبري أسطورة عامة

إسمه مصحي الناس والأمة

تغلط هتاخد طلقات سامة

بولاق دي جيهة المليون فاخر

أحلى مسا جي بتشريفة

راجل جدع، أسلحته مخيفة

المسا جي على شريف إيفا

اللي بتهاب منه النمور

نعمل مسا مظبوط، عباسي

ما يجيش ضعيف، ما يجيش منياسي

المسا جه ع اللعب الأساسي

أكشن تاني، بولاق الدكرور

حمو الطيخا ده نزلته بغارة

في أي شارع وأيها حارة

ماندو العالمي في التوزيع

الكل منه ياخد إستشارة

كتب كلامنا الشاعر الفاجر

أما البواقي أيطة ومنهارة

لما نقولوا يابا مؤمن نبوي

يعني الإدارة فوق أي إدارة

نقولوا وحش السوشيال ميديا

أخويا ميدا هو السيطرة