تعبت

1 Contributor

Ekhwat W Ashab 3ala El Story (Elly Odamkom Te3eb) - اخوات واصحاب علي الاستوري (اللي قدامكم تعب) Lyrics

[المقدمة]

قلبي حن كرفتله

بيعاتبني، أنا قلتله

عاجبك اللي وصلتله؟

موضوعنا بح، إلغيه

إخوات وصحاب ع الستوري

يكتبوا أشعار على منشوري

جدعنة ورجولة على مواقع

بأمانة، الميديا غير الواقع

طلبت فضفضة مع جمهوري

ياو، أمجد الچوكر

[المقطع الأول]

اللي قدامكم تعب

حاله ع الكافر صعب

قدام مرايته بيترعب

بيشوف واحد تاني

إيه اللي وصلني لكده؟

ما أستاهلش أنا كل ده

ليه يا دنيا مزودة

دايمًا في أحزاني

[اللازمة]

دايس على نفسي ومتحمل

عارف إني بموت، بس مكمل

الحمل تقيل، شايله بطولي

مش عايز حاجة، بس إدعولي

ده أنا كتفي من الأوجاع نمل

مستغرب من اللي كانوا معايا

من غير أسباب قلبوا الآية

إزاي يسيبوني لوحديا؟

ده أنا شفت مواقف مش هي

زعلان أوي، كاتم جوايا[المقطع الثاني]

كلمة للناس الرخاص

مني ليكم شكر خاص

هي كده خلصت خلاص

وإتقطع المحضر

اللي قلت دول السند

لأجلي يقفوا قصاد بلد

يطلعوا كمالة عدد

كانوا في الصور منظر

[اللازمة]

إخوات وصحاب ع الستوري

يكتبوا أشعار على منشوري

جدعنة ورجولة على مواقع

بأمانة، الميديا غير الواقع

طلبت فضفضة مع جمهوري

شفتوا الضحكة اللي في بوستاتي؟

مالهاش أي علاقة بحياتي

أنا كاتب يشعر بالراحة

بس أنا مش مرتاح بصراحة

والحمد لله في كل حالاتي

[المقطع الثالث]

زي ما أنا هتشاف هشوف

من الآخر، ما فيهاش كسوف

إنتو بيجيلكم ظروف

وأنا بيجيلي البوكيهات

الجميل ما تردهوش

منكم أنا ما طلبتهوش

مش عايزه، بس ما تنكروش

اللي إتعمل بالذات[اللازمة]

كلكو في دماغكم شغلتوا

في رزم من ورا مني عملتوا

أنا كنت على سليم وياكو

بما يرضي الله ماشيها معاكو

يا خسارة اللي معاكم كلته

العيش والملح أرخص حاجة

عند اللي ما يفرقلوش حاجة

اللقمة الكل بقى يخونها

والله ما حدش بيصونها

من الآخر، غير التلاجة

[المقطع الرابع]

قلبي حن كرفتله

بيعاتبني، أنا قلتله

عاجبك اللي وصلتله؟

موضوعنا بح، إلغيه

عقلي مش عاجبه الحوار

شكلكو نسيتوا اللي دار

إحنا خدنا خلاص قرار

صعب إن نرجع فيه

[اللازمة]

ما تحاوليش علشان مش هقبل

ما لكيش مطرح في المستقبل

ما بقتش بفكر في الماضي

مش جاي في هري ومش فاضي

حوري على حد عبيط وأهبل

عمالة بتدوري وبتلفي

بطلي تفركي بقى، ما تخفي

إزعلي، دمعي وكلي في نفسك

إولعي، مش شايفك ولا حسك

مع ستك متصور سيلفي[الخاتمة]

أمين خطاب معروف بالفن

وفي مجاله متسمي قطر

ياض قلم مصطفى الجن

عمره ما بيقف على سطر

هو الچوكر وحش التوزيع

من الآخر، مش عايزين هبد

الإدارة جالكو يا جرابيع

إيه بس جابكو لعبده العبد؟

فيصل العبد رئيس المجال

العبد للإنتاج حصري

باندا وحاتم في المهنة تقال

وحوش الميديا غزالة والمصري