دايخ في زمن بايخ

حصريًا على موقع مهرجانات دوت كوم

من يوم اللي حصلي

وما فيش خبر عنها بيوصلي

وحشاني وفراقها مدمرني

دي غيرها ما ليش

أصل الحكاية وبدايتها

الإنسانة اللي أنا حبيتها

عن كل الناس أنا بديتها

كات حلم عشت ببني فيه

عازف أورج يوسف أوشا

دايخ في زمن بايخ

مع ناس عاملينلي فيها مشايخ

وأنا مش وارث ولا أبويا ده سايغ

ده أنا شاب بسيط

وحيد والليلة ليلتي

أنا من صغري وشايل شيلتي

جدعنتي ديا كانت مشكلتي

لبست في حيط

أنا شاب عاش حياته بايظة

والدنيا قاسية، فوقه دايسة

ما طلعتش زي ما أمي عايزة

كان نفسي أحقق حلمها

كان نفسي أكون واحد كويس

كان حلمي أكون واحد مميز

كل أما أقوم في حيطة بلبس

كاره حياتي كلها[اللازمة]

تايه، مش لاقي مرسى

واقع ما بين شياطين وأبالسة

كل الخلق عليا بتقسى

تعبت خلاص

شقيان وطالع عيني

ما بقولش أنا لحد يديني

بشكي لنفسي همومي وأواسيني

مش عايز ناس

أنا اللي دايمًا الحياة

تهده وتعاند معاه

أنا اللي من همومه تاه

والناس بحالها جت عليه

من اللي مني بتأذي

وليه تملي بتنسي؟

يا دنيا فيا ميزي

مش جاية سكة معايا ليه؟

في بداية الموضوع

أنا حد قضى حياته موجوع

بكتب وعيني مليانة دموع

وشايل أحزان

عشت في هم وويل

تعبان، حزين، مهدود الحيل

مش ذنبي إني طلعت فقير

على قد الحال[المقطع الثالث]

أصل الحكاية وبدايتها

الإنسانة اللي أنا حبيتها

عن كل الناس أنا بديتها

كات حلم عشت ببني فيه

مش من كتير غرام ما بينا

بس إحنا من يوم ما إتقابلنا

شايفين إن الجواز تالتنا

بس النصيب رافضنا ليه؟

أنا قررت إني أخطبها

وقلت أروح من بيتها أطلبها

ولو عشانها الدنيا أحاربها

وما تسيبنيش

جي بأبويا وأمي

واللي إنت عايزه يا عمي، إؤمرني

قال بنتي مش ليك، إسمع مني

وما قبلنيش

خرجت والدموع في عيني

أمي عمالة بتواسيني

إزاي أسيب حب سنيني؟

ولا عشان على قد حالي؟

إكمن أبوها مليونير

وأنا اللي جاي من بيت فقير

عقلي هيشت من التفكير

إزاي حبيبتي تضيع قصادي؟[اللازمة]

من يوم اللي حصلي

وما فيش خبر عنها بيوصلي

وحشاني وفراقها مدمرني

دي غيرها ما ليش

أنا كل ما أرن عليها

مقفول ومش عارف أوصل ليها

أنا عارف إن أبوها مخليها

ما تكلمنيش

دخلت حالة إكتئاب

ما فيش سؤال ولا جواب

راحت سابتني في العذاب

كل اللي بينا فجأة راح

ببكي وبفكر طول الليل

منين أجيب فلوس كتير؟

هعمل عشانها المستحيل

إن شا الله أتاجر في السلاح

وآدي آخر الموضوع

عشانها أنا مشيت في الممنوع

مشيت في سكة ما فهاش رجوع

وبروحي خاطرت

صفقة تجر التانية

وبقيت معايا فلوس وفي ثانية

أنا قلت هانت، هتبقى ليا

لأبوها أنا رحت

ولما رحت عند بيتها

لقيت في البيت يا ناس صورتها

في الكوشة قاعدة مع عريسها

أوام سالت مني الدموع

إزاي يا ناس تكون لغيري؟

ده لأجلها ضاعت سنيني

بقى بعد كل ده تسيبيني؟

عايش لحالي، أنا موجوع

حصريًا على موقع مهرجانات دوت كوم