دنيا النفاق

حصريًا على موقع مهرجانات دوت كوم

عازف أورج يوسف أوشا

دنيا النفاق، دنيا الأونطة، دنيا التلات ورقات

دنيا المغفل يتخدع في حلاوة البدايات

إسأل مجرب يا إبن عمي، إنسى إن ليك إخوات

آخر الكلام، خليك مراية للي تشوفه منهم

وما تتخدعش وتقول إخواتي وتقول ما فيش منهم

الله يعينك ع اللي جي، هتشوف كتير منهم

هانت على كله عشرتي وخذلوني

أنا اللي راهنت عليهم هما كسروني

هموت وأعرف ليه من الأول تصاحبوني

وأفهم ليه في آخر القصة دوستوني

ما شفتش وقت وجعي حد جه وطبطب

بموت في البيت، ما حدش على بابي خبط

وكله عايزني، أصل فلوسي بترطب

وبتطري على قلوبهم وبتظبط

ما فيش كلام بعد الكلام، كل الكلام إتقال

الضربة جاتلي من اللي عمر ما كانوا في الحسبان

العشرة كشفت كله عندي، الكل معدنه بان

سواد النفوس بان في العيون واضح وضوح الشمس

من كتر قلبي ما إتشرخ ما بقاش فيه حيل للمس

علقت يافطة كاتب عليها قلبي قابل للكسر[المقطع الثاني]

أنا ما عرفتش أوصل لحاجة في طموحي

برغم إني حاربت وطلع يا ناس روحي

يا أحلام ليه تملي لغيري بتروحي؟

عايش بخسر وقاعد أعد في جروحي

خلاص أنا كله سابني، رجعت وحداني

شعور يوجع حجر وأنا قلبي إنساني

رجعت لنقطة تحت الصفر من تاني

نضافة قلبي ديا بجد أذياني

هشرب كيوف، هشرب خمور لحد ما أنسى وأموت

قلبي السالك سلكان بيور إتحط وسط يهود

حقي عليهم طلع أونطة، ما لهوش أساس ووجود

مين اللي قال إن أنا عايز حاجة منكو في يوم؟

كل اللي كنت بجد عايزه الحب بينا يدوم

لكن بجد ما كنتش أعرف إن السنين بتهون

يا قلبي إنساها، في بنات ياما غيرها

كفاية، ولا ناسي اللي حصل منها؟

أنا فاكرك حاببها، أتاريك بتدمنها

بتعمل ليه في نفسك كل ده عشانها؟

بحبها حب مش عارف أتعالج منه

ولسه بموت في قلبها أيوة مع إنه

خاين غدار وصعب إني تاني أأمنله

لكن ما عرفتش أكرهه، لسه أنا بحبه

كانت بيا بتنسى واحد تاني قبلي

ولما رجعوا لبعض تاني سابت قلبي

قالت عاشقاك وأنا صدقت من هبلي

قالت عاشقاك وأنا صدقت من هبلي

بجد، بجد صلي وإشكري ربك

عشان ما عرفتش أكرهك، ده من حظك

أنا مش ضعيف، لكن لو كنت مش حبك

بجد أنا كنت جيت وشربت من دمك[اللازمة]

أعاتب في مين؟ دول معروفين، ولا دم ولا إحساس

ما بقوش يرنوا أول ما سمعوا إعلاني للإفلاس

العيش وملح إترد جرح وقفلت بالترباس

شبعت كلام، شبعت وعود مزيفة

وكل اللي أنا أحبه فجأة يختفى

بقيت حاسس تملي بصداع وقريفة

ما جربتش شعور العزوة والدفا

ما شفتش حد مرة أمري كان همه

ما شفتش حد شيلته وإختشى على دمه

ما هانش عليكو في مرة بزعلي تهتموا

بعيط منكو وإنتو في سهرة بتغنوا

إنتم دلوقتي بتسمعوا على موقع مهرجانات دوت كوم