قالوا بالكتير

قالوا بالكتير كام يوم

من بعد منه هقاسي شوية

وهتبقى صعبة العيشة عليا

قالوا مرحلة ومهما طالت بيا

مافيش تعب بيدوم

قالوا بالكتير كام يوم

وهينتهي اللي أنا فيه وهمله

ومشاعري من ناحيته هيقلوا

قالوا ياما ناس عن ناس إتخلوا

طب قلبي ليه مهموم؟

لحد النهاردة سنين فاتت

لا قلت مشاعري ولا ماتت

وعاش قلبي ليه ومن قد إيه

على الحالة دي وكان ساكت

لحد النهاردة سنين فاتت

لا قلت مشاعري ولا ماتت

وعاش قلبي ليه ومن قد إيه

على الحالة دي وكان ساكت

بس اللي مش مفهوم

عدوا السنين ولا حسيت بيهم

وبخاف تعدي سنين بعديهم

والكام يوم اللي قالولي عليهم

ما فاتش منهم يوم[المقطع الثاني]

إيه أخرة اللي أنا فيه؟

إحساسي بيه على طول ملازمني

وأهو ده اللي ياما أنا بيأزمني

حاجة تتنسي وحاجات ترغمني

أرجع وأقرب ليه

إيه أخرة اللي أنا فيه؟

عمري اللي فات ضيعته عشانه

والجاي هيضيع على نسيانه

سابني في قلبي ما سابش مكانه

وأنا كان عليا بإيه

لحد النهاردة سنين فاتت

لا قلت مشاعري ولا ماتت

وعاش قلبي ليه ومن قد إيه

على الحالة دي وكان ساكت

لحد النهاردة سنين فاتت

لا قلت مشاعري ولا ماتت

وعاش قلبي ليه ومن قد إيه

على الحالة دي وكان ساكت

بس اللي مش مفهوم

عدوا السنين ولا حسيت بيهم

وبخاف تعدي سنين بعديهم

والكام يوم اللي قالولي عليهم

ما فاتش منهم يوم