هلا بالتوت والسكر- عود

طلبتك يا زمن قاسي تراه أقرب من أنفاسي

لعبت بمجمل إحساسي على شوق وألم وطعون

بليل العاشق الولهان سقاه البعد والحرمان

هموم وحسرةٍ وأحزان على نار الجفا يمسون

فراقك أحرق أحداقي وشب النار بأعماقي

وفوق الحبر وأوراقي نثرته دمعي المخزون

تمنيتك تداويني وتروي بشوفتك عيني

وضاعت أجمل سنيني وأنا في عالمك مسجون

تحدتنا الظروف وصار بكل أعماقنا إصرار

ولو هي ضدنا الأقدار تموت اقلوبنا ما تخون

رجعنا من بعد فرقه عيونٍ ذابلة غرقى

وحمام الدوح والورقى تغنينا طرب ولحون

يا ساكن خافقي أرحب يا مالي دنيتي بالحب

غلا ولساني لك يسحب شعورٍ داخلي مدفون

هلا به غصنك الميال هلا به لنثنى لي ومال

وأحيا داخلي أمال هلا في رجعتك مليون

هلا باللي ملك قلبي رجع دربه على دربي

وكله أصبح بقربي على جور الزمن لي عون

هلا بك يا ملاك الأرض يا مالك طولها والعرض

يا فارض كل شيٍ فرض على قلبٍ معك مرهون

أرحّب بك من الأعماق وأضمك ضمة المشتاق

تكفي غربة العشاق وقصة عاشقٍ مفتون

أخيلك بالسماء غيمة سحاب أمطارها ديمه

لها في عالمي قيمة وجودك للسحاب امزون

هلا بالتوت والسكر وريح المسك والعنبر

هلا يا جنتي وأكثر هلا باللؤلؤ المكنون

بقربك دوم تحييني طلبتك لا تخليني

وجودك صدق يغنيني وأحس إني ملكت الكون