Akhina

من وهو لسه صغير والجيران بتحلف بيه

المتفوق المؤدب اللي جامع دنيا ودين

كبر ودخل جامعة وآن أوان تاء التأنيث

يمكن ما شافش بورنو بس إتفرج على ونيس

ورغم طول الرحلة فالوصول بينسي التعب

أخينا لقى أخيرا اللي تحبه ويحبها

دايما كان بيكلمها عن إن التعليم تجهيل

واحد زيه في بلد بتفهم كان زمان له شأن كبير

فهمها حاجات كثير في الآخر فهمته

إن حوا مش لآدم حوا لفلوسه وشقته

وفي عز ما هو حزين الأتوبيس وقف في كمين

الظابط قاله إنزل لي نزل زقه للأمين

شاف بطاقته بدأ تفتيش إقلع لي الكوتش يا باشا معيش

ممنوعات فما تحرجنيش طب جنب إخواتك يا برستيج

روح بعد يوم طويل مالوش تعازي مقبولة

يمكن حزين من الأول بس نفسه مش مكسورة

كان ممكن يبقى حاجة لو البلد قدرته

كان ممكن يبقى آدم لو مكانتش حوا سابته

كان ممكن يبقى حاجة وكل حاجة رجعته

من طريق كان ماشي فيه مُتجاهل كل اللي بيحبطه

كان ممكن يبقى حاجة لو البلد قدرته

كان ممكن يبقى آدم لو مكانتش حوا سابته

كان ممكن يبقى حاجة وكل حاجة رجعته

من طريق كان ماشي فيه مُتجاهل كل اللي بيحبطه

أخينا في عز الوحدة قابل شلة ثانوي اللي

كانوا خذوا طريق معاكس للي هو فيه بالمللي

قالوا فُك يا إبني وجهك وإبدأ واجه الحياة

وإذا كنت مش مُتكيف فالعلاج مكيفات

أخينا خذ الرحلة لحد القاع دحرجة

بس أخينا لسه أخينا فـعايش مع نفسه في معركة

يقع يبطل مدة تيجي فلوس تيجى بكثرة

تيجة بفكرة تيجي ببودرة تيجي بقعدة تيجي في سوسته

فجأه حوا رجعت لما أبو شقة سابها

والغريبة حال أخينا الحالي لسبب ما جذبها

طبعا أجر نفسه ليها روميو بالفلوس

ونام معاها ضمان لإنه يلاقي لما يعوز

وزي كل كذبة صعب للآخر نداريها

عيلة حوا صعايدة عمر موتها ما يكفيها

أخينا إتقتل هو ميت في الحالتين

لو كان إنتحر بدري شوية مكانش مات إثنين

كان ممكن يبقى حاجة لو البلد قدرته

كان ممكن يبقى آدم لو مكانتش حوا سابته

كان ممكن يبقى عالم لولا الصحبة عرفته

على المخدر اللي جاب المخدر المعروف آخرته

كان ممكن يبقى حاجة لو البلد قدرته

كان ممكن يبقى آدم لو مكانتش حوا سابته

كان ممكن يبقى حاجة و كل حاجة رجعته

من طريق كان ماشي فيه مُتجاهل كل اللي بيحبطه