Forsa Tania

كل ما تبقى الأرض أصلب تحت رجلي أترعب

لأنسى كوني شخص بكل معاني الكلمة تعب

وبستغل خوفي في إني أتقدم مش في إني أتحجم

عارف الفرق بين الراحة وبين ألم مطفي بمسكن

بقى لي وجود لما بقى لي أهداف أحققها

بسعى للمثالية وعارف إني مش حلحقها

بس هفضل ببقى أحسن كل يوم عن اللي قبله

وده يستاهل إني أتعب له ويطمنّي وأنا بقابله

أنا كنت شايفه رماني لا في زماني ولا في مكاني

وكنت فاكرني هبقى المهدي لو اتولدت في ظرف ثاني

تلميذ ما ذاكرش وفاكر إمتحانه اللي ما يتحلش

مع إن الكل واخذ نفس الإمتحان ما قلش

من هنا بدأت أحل الأزمة لما بدأت أشوف

إن العيب كان فيّ من البداية مكانش في الظروف

آمنت بكون الله بيديني بس اللي استحمله

فبقيت بواجه أي شىء وأنا راضي ومتقبله

فجأة بقى لي دور بقى لي حياة بقيت بتبسط

بقى لي مكان في دنيا كنت رافضها خوف لا ترفض

بقيت بفرح بحاجات كانت تافهة في عيني وصغيرة

لما عالجت عيني وشلت من عليها المرض

فجأة بقى لي دور بقى لي حياة بقيت بتبسط

بقى لي مكان في دنيا كنت رافضها خوف لا ترفض

بقيت بفرح بحاجات كانت تافهة في عيني وصغيرة

لما عالجت عيني وشلت من عليها المرض

لما تاخذ فرصة ثانية وإنت قبل الموت بملي

يبقى صوت من السما بيقول لك جه الوقت تأمن لي

فـتفوق تشوف كام موتة كام أوفر كام شوطة

كام حادثة ليلة سودة كان وارد فيها موتك

واتكتب لك عمر جديد وإنت كنت أعمى وعنيد

تقول له أموت يقول لك عيش تقول له ليه ما بترحمنيش

وكل دي تجربة ومكانش فيها صدف

ده احنا وقعنا عشان نقوم وعشان نتعلم إزاي نقف

خطائين لكن ده مش هيحدد نوطى ولا نعلى

مش محتاج تغير نفسك محتاج تغير فعلك

عمر ما جوهر المُزارع زاد أو قلل الحصاد

الفراعنة لما اجتهدوا شوفنا بعيننا الأهرامات

ولو تعبت في صوت ولقيت النتيجة في سين

بعد فتره هتعرف إن السين أحسن لك بكثير

أمن إن ربك أدرى بأفضل حاجة ليك

فـبيكافئك في الميعاد وفي المجال المناسبين

فجأة بقى لي دور بقى لي حياة بقيت بتبسط

بقى لي مكان في دنيا كنت رافضها خوف لا ترفض

بقيت بفرح بحاجات كانت تافهة في عيني وصغيرة

لما عالجت عيني وشلت من عليها المرض

فجأة بقى لي دور بقى لي حياة بقيت بتبسط

بقى لي مكان في دنيا كنت رافضها خوف لا ترفض

بقيت بفرح بحاجات كانت تافهة في عيني وصغيرة

لما عالجت عيني وشلت من عليها المرض