حور حور (اكرف للى بيكرف)

1 Contributor

Ekref lly Bykref (Hawar Hawar) - اكرف للي بيكرف (حور حور) Lyrics

[المقدمة]

(حصريًا على موقع مهرجانات دوت كوم)

طول ما بتحطوش في جيبنا

نعمل كل اللي هيعجبنا

قرشنا يابا بنجيبه بتعبنا

مش زيكوا بناخد مصروف

(ياو أمجد الجوكر)

[اللازمة]

إكرف للي بيكرف

كلها صُحبة تعر وتقرف

الناس عايزة يابا اللي بيصرف

وإحنا غلابة وعلى الله

اللي يشوفني هشوفه

غير كده كل واحد وظروفه

كله عاوزني أديله مصروفه

وأنا مش وارث سلطه وجاه

[المقطع الأول]

ده لو الكلام خبط في حد فيكوا

فيلا مش هعزه ياض عليكوا

ده مسا يا أسطى جاي مني ليكوا

ده أخوك تخصص في كسر العين

بكيفكوا يا اللي سيرتي بتضايقكوا

إتغاظوا مني عادي هاتوا آخركوا

نضارتي ياض خشب ومش شايفكوا

هو إنتوا أصلاً تطلعوا مين؟[اللازمة]

أنا مش مشهور جامد

بس أنا مشهور إن أنا جامد

كلها سمعت عني وشافت

ما بطبلش عشان أتشاف

كلها بالجدعنة تشهدلي

إبن أصول ولا عمري بجلي

أي حوار خالص من أجلي

وأما تهب أعمل إتلاف

[جسر]

اللي المصلحة مني خدتهم

بكرة الشوق على رجلي يجيبهم

بس ساعتها أنا هبقى كارفهم

مش هشوف غير الشواف

[المقطع الثاني]

ياض لسه قلوبنا بخيرها

وإنتوا قلوبكم خيرها في غيرها

الجدعنة ما سمعتوش عنها

ولا عندكوا بجنيه سلكان

حور حور حور

كله بيلعب ع المتدور

أصحاب قلة ضميرها مزور

أنا هحلف وأبصم مش جدعان[اللازمة]

خصمي مولع مني

أصل أنا سايبه يقول وبيهري

ولا مهتم أنا بيه ع الدُغري

وجوة منه النار بتقيد

طب إفهم ياض يا أبو مخ بهيمة

لو رديت هعملك قيمة

ده إنت خسارة حتى فيك شتيمة

شكلك جاي طمعان في الصيت

[المقطع الثالث]

أنا لسه يا أسطى ع الثبات بطولي

أبطال بلدكوا يا إبني يشهدولي

خطر وكلكم بتتلاشوني

ما ياكلش حد قدامي ولا سبت

أخوك كاريزما ياض وكله عارف

بطل وويا أي حد صارف

لو سيرتي تيجي كله يبقى خايف

أسد وعمري يوم ما هبت حد

[اللازمة]

جرى إيه مالكم بيا

كلها رامية الهلب عليا

مين قالكوا جيبي ده جمعية

ده أنا والله عليا أقساط

لو جايين في عشم شطبنا

والبركة في قركوا نفضنا

العملية خلاص مش طالبة

فككوا بقى من الإستعباط[المقطع الرابع]

ما بستغربش لما بتحاربني

ما ده الطبيعي تبقى مش حاببني

عشان عبيط ومش عارف تجيبني

فمني تبقى ياض زايد شياطك

فبراحتك إولع إنت واللي زيك

برضه غصب عنك أنا عمك

عارف إن إسمي يا إبني حرقك

رزمن شوية وخف صداع

[الخاتمة]

حور حور حور

كله بيلعب ع المتدور

أصحاب قلة ضميرها مزور

أنا هحلف وأبصم مش جدعان